శివాజీ, కావేరీ ఝా జంటగా కె.బి.సి సినిమా పతాకంపై ఎం. నాగేంద్ర కుమార్ దర్శకత్వంలో కుమార్ దర్శకత్వంలో కుమార్ బ్రదర్స్ నిర్మిస్తున్న చిత్రం "నా గర్ల్ ఫ్రెండ్ బాగా రిచ్". ఇటీవలే బ్యాంకాక్, పటాయ్ షెడ్యూల్స్ను పూర్తి చేసుకుంది. ఈ చిత్ర విశేషాలను దర్శకుడు తెలియజేస్తూ... స్క్రీన్ప్లే ప్రధానాంశంగా తెరకెక్కుతోన్న సినిమా ఇదని, శివాజీ పాత్ర చాలా విభిన్నంగా ఉంటుందని చెప్పారు. ఆసక్తికరమైన కథ, కథనాలతో రూపొందుతోన్న ఈ చిత్రం అన్ని వర్గాల వారిని ఆకట్టుకుంటుందని ఆశాభావం వ్యక్తం చేశారు.
నిర్మాత మాట్లాడుతూ.. జూన్ 15 నుంచి 20 రోజులపాటు బ్యాంకాక్లో హీరోహీరోయిన్లపై ఒక పాటను, ముఖ్య తారాగణంపై సన్నివేశాలను చిత్రించామని చెప్పారు. ఈ నెల 16 నుంచి హైదరాబాద్లో మరో షెడ్యూల్ ప్రారంభమవుతుందని, గోవాలో హీరోహీరోయిన్లపై చిత్రీకరించే మరో పాటతో షూటింగ్ పూర్తవుతుందని చెప్పారు. ఈ చిత్రానికి సంగీతం... మంత్ర, ఆనంద్, మాటలు... వేమగిరి, కెమెరా... పలమి, ఎడిటింగ్.. ఉపేంద్ర, ఎగ్జిక్యూటివ్ నిర్మాత.. పాండు.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
