అమెరికాలో శంకర్ "యంత్రం"!
"
యంత్రం"గా పేరు మార్చుకున్న "రోబో" షూటింగ్ నేటి (సోమవారం) నుంచి అమెరికాలో ప్రారంభం కానుంది. తమిళ సూపర్ స్టార్ రజనీ కాంత్, మాజీ ప్రపంచ సుందరి ఐశ్వర్యారాయ్ బచ్చాన్ జంటగా నటించే "రోబో" ఇటీవల "యంత్రం"గా పేరు మార్చుకుంది. ఈ నేపథ్యంలో... అమెరికాలో హీరోహీరోయిన్లపై రెండు పాటలను సోమవారం నుంచి చిత్రీకరించనున్నట్లు సినీ యూనిట్ వెల్లడించింది. దీనికోసం చిత్రయూనిట్ ఇటీవలే అమెరికాకు చేరుకుంది. ఒక నెలపాటు జరిగే ఈ షూటింగ్లో రెండు పాటలతో పాటు కొన్ని కీలక సన్నివేశాలను కూడా చిత్రీకరించనున్నట్లు యూనిట్ పేర్కొంది. 
అయ్యంగరన్ ఇంటర్నేషనల్ మరియు ఎరోస్ ఇంటర్నేషనల్ సంస్థలు సంయుక్తంగా నిర్మించే ఈ సినిమాకు సినిమాటోగ్రఫీ... ఆర్.రత్నవేలు, కాస్ట్యూమ్స్... మనీషా మల్హొత్రా, సంగీతం... ఎ.ఆర్. రెహమాన్, పాటలు... విజయ్, వైరముత్తు. భారీ బడ్జెట్తో రూపుదిద్దుకుంటున్న ఈ సినిమా, హాలీవుడ్ తరహాలో తెరకెక్కనుంది. ద్విభాషా చిత్రంగా తెరకెక్కనున్న "రోబో" సినిమా, తమిళంలో "యందిరం" అని పేరు మార్చుకుంది.
