"గజల్ శ్రీనివాస్"ను వరించిన గిన్నిస్ రికార్డు
ప్రముఖ కళాకారుడు గజల్ శ్రీనివాస్ను గిన్నిస్ రికార్డు వరించింది. గాంధీజీ తత్త్వంపై ఏకంగా 100 భాషల్లో పాటలు పాడిన శ్రీనివాస్ ప్రతిభను గిన్నిస్ బుక్ ఆఫ్ వరల్డ్ రికార్డ్స్ గుర్తించింది. ఈ మేరకు గురువారం శ్రీనివాస్కు గిన్నిస్ బుక్లో చోటు కల్పిస్తున్నట్లు ఓ సందేశం పంపింది.
జాతిపిత మహాత్మా గాంధీకి వినూత్న రీతిలో నివాళులర్పించే దిశగా గజల్ శ్రీనివాస్ ఓ పాటను వంద భాషల్లో ఆలపించే సాహసకృత్యానికి విజయవాడ వేదికైంది. బాపూజీ సిద్ధాంతాలపై తెలుగు, ఆంగ్లంతో పాటు మొత్తం 56 భారతీయ భాషల్లోనూ, 44 విదేశీ భాషల్లోనూ అదే గేయాన్ని, అదే స్వరంతో గానం చేసే యజ్ఞాన్ని దిగ్విజయంగా ముగించారు. ఈ కార్యక్రమాన్ని మొత్తం రికార్డు చేసి గిన్నిస్ బుక్ ఆఫ్ వరల్డ్ రికార్డ్స్కు కూడా పంపారు.
సుమారు ఐదు నెలలుగా ఈ ప్రాజెక్టు కోసం తీవ్రంగా కృషి చేసిన గజల్ ఒక్కొక్క భాషలో ప్రముఖులైన గేయ రచయితల చేత ఈ గేయాన్ని రాయించుకుని ఆ భాషకు గల సహజత్వం కోల్పోకుండా, అర్థం మారకుండా, అన్నింటిని ఒకే స్వరంలో పాడిన ఘనత శ్రీనివాస్ది.
జాతిపిత మహాత్మా గాంధీకి వినూత్న రీతిలో నివాళులర్పించే దిశగా గజల్ శ్రీనివాస్ ఓ పాటను వంద భాషల్లో ఆలపించే సాహసకృత్యానికి విజయవాడ వేదికైంది. బాపూజీ సిద్ధాంతాలపై తెలుగు, ఆంగ్లంతో పాటు మొత్తం 56 భారతీయ భాషల్లోనూ, 44 విదేశీ భాషల్లోనూ అదే గేయాన్ని, అదే స్వరంతో గానం చేసే యజ్ఞాన్ని దిగ్విజయంగా ముగించారు. ఈ కార్యక్రమాన్ని మొత్తం రికార్డు చేసి గిన్నిస్ బుక్ ఆఫ్ వరల్డ్ రికార్డ్స్కు కూడా పంపారు.
సుమారు ఐదు నెలలుగా ఈ ప్రాజెక్టు కోసం తీవ్రంగా కృషి చేసిన గజల్ ఒక్కొక్క భాషలో ప్రముఖులైన గేయ రచయితల చేత ఈ గేయాన్ని రాయించుకుని ఆ భాషకు గల సహజత్వం కోల్పోకుండా, అర్థం మారకుండా, అన్నింటిని ఒకే స్వరంలో పాడిన ఘనత శ్రీనివాస్ది.
