Subhadra | Sindhu Menon | Ravi Kiran | త్వరలో ప్రేక్షకుల ముందుకు "సుభద్ర"
WD
ఈ సందర్భంగా నిర్మాత శ్రీకాంత్ గౌడ్ మాట్లాడుతూ... ఇటీవలే విడుదలైన ఆడియోకు శ్రోతల నుంచి మంచి ఆదరణ లభించిందని చెప్పారు. సంగీత దర్శకుడు చక్రి ఆధ్వర్యంలో "సుభద్ర" సినిమా రీ-రికార్డింగ్ జరుగుతుందన్నారు. సంగీత దర్శకుడు చక్రి మాట్లాడుతూ... దర్శకులు రాజావన్నెంరెడ్డి ఎంతో శ్రమించి ఈ చిత్రాన్ని రూపొందించారు. ఆయన తీర్చిదిద్దిన ఈ చిత్రానికి అందరూ మెచ్చే స్థాయిలో రీ-రికార్డింగ్ చేస్తున్నానని తెలిపారు. వైవిధ్యమైన కథలో రూపుదిద్దుకున్న ఈ చిత్రాన్ని ప్రేక్షకులు ఆదరించి విజయవంతం చేస్తారనే నమ్మకం ఉందని చక్రి అన్నారు.
రీ-రికార్డింగ్ తర్వాత మిక్సింగ్ కార్యక్రమాల్ని పూర్తి చేసి అతి త్వరలో ప్రేక్షకుల ముందుకు రానున్న "సుభద్ర" చిత్రాన్ని అద్భుతంగా మలచిన రాజావన్నెంరెడ్డిని ఈ సందర్భంగా అభినందిస్తున్నానని చక్రి వెల్లడించారు. సింధుమీనన్ కథానాయికగా నటించిన ఈ చిత్రంలో రవికిరణ్ ముఖ్యపాత్రను పోషించగా ఆశిష్ విద్యార్థి, సుమన్, భానుచందర్, చలపతిరావు, చిన్నా, గౌతంరాజు, అన్నపూర్ణ, సురేఖావాణి, హేమ తదితరులు నటించారు.
ఇంకా ఈ చిత్రానికి ఎడిటింగ్: మార్తాండ్ కె. వెంకటేష్, కళ: నాగేంద్ర, ఛాయాగ్రహణం: సుధాకర్ రెడ్డి వద్ద పనిచేస్తున్న సాంకేతిక నిపుణులు.
