పవన్ కల్యాణ్ నటిస్తున్న స్టయిలిష్ యాక్షన్ ఎంటర్టైనర్ పంజా. తమిళంలో బిల్లా వంటి చిత్రాలు డైరెక్ట్ చేసిన విష్ణువర్థన్ తెలుగులో చేస్తున్న తొలి సినిమా ఇది. సంఘమిత్ర ఆర్ట్స్, ఆర్కా మీడియా వర్క్స్ సంయుక్త నిర్మాణంలో నీలిమ తిరుమలశెట్టి, శోభు యార్లగడ్డ ఈ చిత్రాన్ని నిర్మిస్తున్నారు. ఒక పాట మినహా చిత్రీకరణ పూర్తయింది. నిర్మాతలు మాట్లాడుతూ... ఆద్యంతం ఆసక్తికరంగా నడిచే యాక్షన్ ఎంటర్టైనర్ ఇది. పవన్ కల్యాణ్ అభిమానులు ఆశించే అన్ని అంశాలతో సినిమా చాలా స్టయిలిష్గా ఉంటుంది. ఇప్పటివరకూ వచ్చిన పవన్ కల్యాణ్ సినిమాలకు పూర్తి భిన్నంగా ఉంటుంది. నిర్మాణానంతరం కార్యక్రమాలు శరవేగంతో జరుగుతున్నాయి. నవంబర్ 13న ఆడియోను విడుదల చేయబోతున్నాం అన్నారు