పొడుగుకాళ్ల సుందరి శిల్పాశెట్టి జెమ్స్బాండ్ హీరోయిన్గా నటించనుందని చెప్పుకుంటున్న సమయంలో పాకిస్థాన్కు చెందిన ప్రముఖ మోడల్ జారా ఆడమ్స్ రానున్న జేమ్స్బాండ్ చిత్రంలో హీరోయిన్ అని హాలీవుడ్లో హాట్, హాట్గా వినిపిస్తోంది.
త్వరలో నిర్మించనున్న జేమ్స్బాండ్ చిత్రం క్వాంటం ఆఫ్ సోలేస్ చిత్రంలో జేమ్స్బాండ్ ముద్దులు అందుకోనున్నది జారానే అని వారు చెప్పుకుంటున్నారు. ఎందుకంటే ఈ చిత్రంలోని హీరోయిన్ కోసం నిర్వహించిన సెలక్షన్లో జారా ఎంపిక దాదాపు ఖరారైనట్టేనని వారు చెబుతున్నారు.
ఈ విషయమై జారాని కదిలిస్తే జేమ్స్బాండ్ చిత్రం కోసం నిర్వహించిన పరీక్షలో తాను తొలిదశను విజయవంతంగా ముగించానని, కాబట్టి తానే జేమ్స్బాండ్ జోడీ అని చెప్పింది. అంతేనా చిత్రంలో తాను దాదాపు అరగంట కన్పించనున్నానని కూడా చెప్పింది.
అయితే సాంప్రదాయ ముస్లీం కుటుంబానికి చెందిన మీరు జేమ్స్బాండ్ లాంటి శృంగారభరిత చిత్రంలో నటించడానికి ఎలా ఒప్పుకున్నారని ప్రశ్నిస్తే.... ఈ విషయంలో తన స్నేహితులు తనను బాగా ప్రోత్సహించారని చెప్పింది. అయితే తన తల్లితండ్రులు మాత్రం ఒకింత బాధపడ్డారని, కానీ ఇలాంటి అవకాశం మళ్లీ, మళ్లీ రాదు కాబట్టి వారిని కష్టపడి ఒప్పించానంది.
జేమ్స్బాండ్ చిత్రంలో శిల్పాశెట్టి నటించనుందంటూ వార్తలు వచ్చాయి కదాని అడిగితే... జేమ్స్బాండ్ హీరోయిన్లా నాలుక బయటపెట్టి ఆమెను ఈ చిత్రానికి ఎంపిక చేస్తారని తాను భావించడంలేదని ఒకింత ఆశ్చర్యాన్ని వ్యక్తం చేసింది.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
