టెన్నస్సీ చిత్రంతో తాజాగా ప్రేక్షకులను అలరిస్తున్న హాలీవుడ్ సుందరి మారియా క్యారీకి, నిక్ కానన్కు మధ్య ఏదో ఉందంటూ హాలీవుడ్లో గుసగుసలు వినిపిస్తున్నాయి.
ఈ మధ్య జరిగిన టెన్నస్సీ చిత్రం ప్రీమియర్ షోకు నిక్ కానన్తో క్యారీ కలిసి రావడంతో వారి మధ్య ఎఫైర్ ఉన్న మాట నిజమేనన్న పుకార్లకు బలం చేకూరింది. ఈ చిత్రం ప్రీమియర్ షో ముగిసిన తర్వాత జరిగిన పార్టీలో సైతం క్యారీ, నిక్ కానన్లు ప్రేమికుల మాదిరిగా ఒకర్ని విడిచి ఒకరు ఉండలేమన్నట్టుగా ప్రవర్తించే సరికి వారు త్వరలోనే పెళ్లి చేసుకోబోతున్నారన్న వార్తలు సైతం రావడం ప్రారంభమైంది.
అయితే నిక్ కానన్ ఆ మధ్య మోడల్ సెటీలాతో వ్యవహారం ఎంగేజ్మెంట్ వరకు వచ్చి ఆగిపోయిన సంగతి అందరికి తెలిసిందే. ఈ క్రమంలో కొద్దిరోజుల క్రితం క్యారీ నటించిన ఓ ఆల్బమ్లో నిక్ ఆమెతో కలిసి నటించాడు. అదిగో అప్పటినుంచి వీరిమధ్య బంధం పెనవేసుకుపోయింది. దీంతో వీరిద్దరు ఎంగేజ్మెంట్ కూడా చేసేసుకున్నారన్న వార్తలు వినిపిస్తున్నాయి.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు