బాత్రూంలో జారిపడ్డ గాయని జానకి: తలకు గాయం..
ప్రముఖ నేపధ్య గాయనీమణి ఎస్.జానకి తిరుపతిలోని ఓ ప్రైవేటు హోటల్‌లో బాత్రూంలో జారిపడ్డారు. దీంతో ఆమె తలకు బలమైన గాయమైంది. దీంతో ఆమెను హుటాహుటిని స్విమ్స్ ఆసుపత్రికి తరలించారు. ఆమెకు వైద్య పరీక్షలు నిర్వహించిన డాక్టర్లు ఎలాంటి ప్రమాదం లేదని తెలిపారు. మంగళవారం సాయంత్రం తిరుపతిలో ఓ ప్రైవేటు కార్యక్రమంలో పాల్గొనేందుకు వచ్చిన ఆమె ఆర్టీసీ బస్ స్టాండుకు సమీపంలో ఓ హోటల్‌లో బస చేశారు.