Kiran Rathod| Interview| Love| Marriage| Jaipur| Mumbai | 13 ఏళ్ల అబ్బాయిని ప్రేమిస్తున్న కిరణ్ రాథోడ్...!!?
|
హిందీ, తమిళ, తెలుగు చిత్రాల్లో నటిస్తోన్న కిరణ్ రాథోడ్ తాను చదువుకోవడానికి సమయం సరిపోవడంలేదని చెబుతోంది. వడ్డేనవీన్, రాజశేఖర్ కాంబినేషన్లో 'శుభముహూర్తం' ద్వారా తెలుగు తెరకు పరిచయమైన ఆమె తరుణ్తో 'నువ్వులేక నేనులేను' చిత్రంలో నటించింది.
కమల్హాసన్ నటించిన చిత్రం తెలుగులో 'సత్యమేవశివం'లో నటించింది. తాజాగా పేరు పెట్టని ఓ చిత్రంలో తెలుగులో నటించడానికి సిద్ధమైంది. 13 ఏళ్ళ యువకుడు ఈమెను ప్రేమించే కథతో చిత్రం రూపొందుతోంది. గురువారం ఆ చిత్రం షూటింగ్ ప్రారంభమైంది. ఈ సందర్భంగా ఆమెతో జరిపిన ఇంటర్వ్యూ వివరాలు మీకోసం..
ప్రశ్న: మీ నేపథ్యం గురించి వివరించండి?
జ : మాది జైపూర్. పెరిగింది ముంబైలో. నాన్నగారు అరుణ్ రాథోడ్. జైపూర్లో వైన్ షాప్స్ ఉన్నాయి. అమ్మేమో గృహిణి. ఇద్దరు బ్రదర్స్ ఉన్నారు. ఇందులో ఒకరు ఎం.బి.ఎ. చదువుతున్నాడు. మరొకరు డైరెక్షన్ డిపార్ట్మెంట్లో శిక్షణ పొందుతున్నారు.
ప్రశ్న: అంటే మీ ఫ్యామిలీలో మరో ఇండస్ట్రీ మనిషి ఉన్నాడన్నమాట?
జ: యస్.. నేను మోడలింగ్లోకి రావడం ద్వారా నన్నెక్కువగా ప్రోత్సహించింది కూడా సోదరుడే. తల్లిదండ్రులు కూడా ప్రోత్సహించారు. సినిమా ప్రపంచం అనగానే చాలామంది భయపడుతుంటారు. అలాంటివేవీలేకుండా నాకు ధైర్యాన్ని నూరిపోశాడు.
ప్రశ్న: ఈరంగంలోకి ఎలాప్రవేశించారు?
జ: నేను 11వ తరగతి చదువుతండగానే.. మోడలింగ్ చేశాను. కొకోకోలా యాడ్ చేశాను. ఆ తర్వాత పలు యాడ్స్ చేశాను. అవి చూసి హిందీలో 'యాదె' అనే సినిమాలో నాకు అవకాశం వచ్చింది.
|
జ: చదువుకొనసాగించడానికి సమయం చిక్కలేదు. 2002 నుంచి ఏకధాటిగా మూడేళ్ళు హిందీ, తమిళ చిత్రాల్లో బిజీగా ఉన్నాను.
ప్రశ్న: ప్రస్తుతం నటిస్తున్న చిత్రంలో 13 ఏళ్ళ కుర్రాడు ప్రేమించే కాన్సెప్ట్కు ఎలా అంగీకరించారు?
జ: ఇది ఫ్రెండ్ తీస్తున్న చిత్రం. దీన్ని ఇంగ్లీషులోకూడా తీశారు. హిందీ 'చోటీసీ లవ్స్టోరీ'గా వచ్చింది. కానీ అందులో లేని అంశాలు ఈ చిత్రంలో ఉన్నాయని దర్శకుడు నరసింహ నంది చెప్పారు. ఆల్ఱెడీ ఆ దర్శకుడు '1840లో ఓ గ్రామం' అనే ఆర్ట్ సినిమా తీశారు. ఈ చిత్రంలో నా పాత్ర మూడుషేడ్స్లో ఉంటుంది. ఒకసారి ఫ్లాష్బ్యాక్లో వచ్చే ఎపిసోడ్ 35 ఏళ్ళ అమ్మాయిగా నటించాలి. టోటల్గా డిఫరెంట్ కాన్సెప్ట్ అందుకే నచ్చి అంగీకరించాను.
ప్రశ్న: ఎటువంటి తరహా పాత్రలంటే ఇష్టపడతారు?
జ: జాబ్ సాటిఫ్యాక్షన్ పాత్రలు ఏవైనా చేస్తాను.
ప్రశ్న: అయితే ఎక్స్పోజింగ్ చేయాల్సివస్తే..?
జ: నటిగా తప్పనిసరిగా చేయాలి. (యాజ్ ఎ ఆర్టిస్ట్ వి హ్యావ్ టు డూ ఇట్). కథాపరంగా దర్శకుడు ట్రీట్మెంట్ సరిగ్గా ఉండేలా చూసుకోవాలి. దర్శకుడు చక్కటి ట్రీట్మెంట్తో ఎక్స్పోజింగ్ చూపించినా పర్వాలేదు.
ప్రశ్న: మీ అభిమాన నటి?
జ : ఐశ్వర్యారాయ్. నా రోల్ మోడల్ కూడా ఆమే. సక్సెస్ఫుల్ నటి కూడా.
ప్రశ్న: ఐష్ పెళ్లి కూడా చేసుకుంది? మరి మీకెప్పుడు...?
జ: ఐదు సంవత్సరాల వరకు ఆ ప్రసక్తేలేదు.
ప్రశ్న: ప్రేమ వివాహమా..?
జ: అవును. ప్రేమ వివాహానికే ఇష్టపడతాను. కానీ ఇంకా ఎవరినీ ప్రేమించలేదు.
ప్రశ్న: హిందీని వదిలి దక్షిణాదిలో నటించడానికి కారణం?
జ: హిందీలోకూడా నటిస్తున్నాను. 'కుషన్మంగల్' అనే చిత్రం ఢిల్లీలో ప్రారంభంకాబోతుంది. ఆల్రెడీ తమిళంలో 'జగ్గుబాయ్'లో నటించాను. మొదట చేసింది హిందీ అయినా ఎక్కువగా దక్షిణాదిలో అవకాశాలు వస్తున్నాయి.
