ప్రధాన పేజి » వినోదం » పర్యాటక రంగం » అటవీ అందాలు » అల్లరి చేసే నీలగిరి కోతులు, చింపాంజీలు... ఇంకా ఉన్నాయ్!! (Wildlife | Forest | Thekkady | Kerala | Idukki | Periyar Wildlife Sanctuary | Tamilnadu | Pond | Elephents)
Feedback
Print
అల్లరి చేసే నీలగిరి కోతులు, చింపాంజీలు... ఇంకా ఉన్నాయ్!! 
FILE
కేరళ రాష్ట్రంలోని ఇడుక్కి జిల్లాలో తమిళనాడు రాష్ట్ర సరిహద్దు పట్టణమైన కుమిలీకి నాలుగు కిలోమీటర్ల దూరంలో ఉంటుంది తేక్కడి అటవీ ప్రాంతం. ఈ దట్టమైన అడవి మధ్యలో సరస్సు, అందులో పడవ ప్రయాణం, అడవి మధ్యలో అటూ ఇటూ తిరుగాడే ఏనుగులు, నీటి కోసం బయటకు వచ్చే పులులు, అడవి దున్నలు.. చెట్లపై దుముకుతూ, వేలాడుతూ అల్లరి చేసే నీలగిరి కోతులు, చింపాంజీలు, చిరుతలు.. కనువిందు చేసే రకరకాల, రంగు రంగుల పక్షులు... ఇవన్నీ వింటుంటే ఏదో సినిమాలో దృశ్యం కాబోలు అనుకునేరు సుమా..! అలాంటిదేమీ కాదు. తేక్కడి అటవీ ప్రాంతంలో గల "పెరియార్ వన్యమృగ సంరక్షణా కేంద్రం"లోని దృశ్యాలే ఇవి.
ఈ పెరియార్ సాంక్చురీలోగల సరస్సులో పడవమీద ప్రయాణిస్తూ.. దానికి ఇరువైపులా ఉండే అడవిలో సంచరించే జంతువులను, వాటి ప్రవర్తనను అతి దగ్గరగా, సురక్షితంగా చూసే అవకాశం పర్యాటకులకు కలుగుతుంది. తేక్కడి అటవీ ప్రాంతంలోని జంతువుల పరిరక్షణ కోసం కేంద్ర ప్రభుత్వం 1978వ సంవత్సరంలో పెరియార్ శాంక్చురీని ఏర్పాటు చేసింది.
FILE
పెరియార్ శాంక్చురీలో తెలతెలవారుతుండగా బోటు షికారు చేస్తే.. ఉదయాన్నే నీటి కోసం తిరుగాడుతుండే జంతువులను హాయిగా చూసేయవచ్చు. ఉదయంపూట ఫొటోగ్రఫీకి కూడా అనుకూలంగా ఉంటుంది కాబట్టి, ఆ సమయంలో పర్యటిస్తే బాగుంటుంది. వర్షాకాలం మినహాయించి సెప్టెంబర్ నుంచి మే నెల వరకు ఈ శాంక్చురీలో పర్యటించవచ్చు.
తేక్కడి అటవీ ప్రాంతంలో పర్యాటకులను విశేషంగా ఆకర్షిస్తోన్న ఈ పెరియార్ శాంక్చురీలోని సరస్సును.. బ్రిటీష్వారి కాలంలో మధురై పట్టణానికి తాగు, సాగునీటి అవసరాలను తీర్చేందుకు నిర్మించారు. బ్రిటీష్ ఇంజనీర్ కల్నల్ జె. పెన్నీ 1903వ సంవత్సరంలో ఈ సరస్సు నిర్మాణానికి రూపకల్పన చేశాడట.
కుమిలీ ప్రాంతం నుంచి కేవలం 4 కిలోమీటర్ల దూరం ప్రయాణిస్తే ఈ సరస్సు బోటింగ్ సెంటర్కు చేరుకోవచ్చు. అటవీశాఖవారికి టోల్గేట్ చెల్లించి స్వంత వాహనాలలో కూడా ఇక్కడికి వెళ్లవచ్చు. ఇక అక్కడ్నించీ కేరళ పర్యాటక శాఖ వారు నిర్వహించే హౌస్ బోట్ల ద్వారా సరస్సు చుట్టూ ఉండే ప్రకృతి అందాలను వీక్షించవచ్చు. అలాగే ఇక్కడ ట్రెక్కింగ్, ఏనుగు స్వారీ లాంటి సదుపాయాలు కూడా అందుబాటులో ఉంటాయి.
సంబంధిత సమాచారం కోసం శోధించండి.
దీన్ని కూడా శోధించు: అటవీ అందాలు, అడవి, తేక్కడి, కేరళ, ఇడుక్కి, పెరియార్ వన్యమృగ సంరక్షణా కేంద్రం, తమిళనాడు, సరస్సు, ఏనుగులు
