ప్రధాన పేజి » వినోదం » పర్యాటక రంగం » ఆంధ్రావని » చెదిరిపోని సజీవ సాక్ష్యం మిడ్తూరు "చెన్నకేశవ ఆలయం" (AP Tourism | Historic Place | Midturu | Sri Lakshmi Chennakesava Aalayam | King Janamejaya | Harihararayalu | Tirupathi Venkatakavulu)
Feedback
Printచెదిరిపోని సజీవ సాక్ష్యం మిడ్తూరు "చెన్నకేశవ ఆలయం" 
FILE
చెన్నకేశవ ఆలయాన్ని జనమేజయ మహారాజు నిర్మించినట్లుగా పూర్వీకులు చెబుతున్నా.. హరిహరరాయలు, బుక్కరాయల కాలంలోనే అభివృద్ధి చెందినట్లు ఆలయంలోని శాసనాల ద్వారా తెలుస్తోంది. సదాశివరాయలు జైత్రయాత్ర కొనసాగిస్తూ, మిడ్తూరులోని స్వామివారిని దర్శించుకుని ఆలయ అభివృద్ధికి, ప్రాకార నిర్మాణానికి పూనుకున్నట్లు శాసనాలు చెబుతున్నాయి. ఆ తరువాత సింగరాజు పుత్రుడు కోనయ్యదేవ మహారాజు స్వామివారి కైంకర్యాలకు, సేవలకు భూదానం చేసినట్లు కూడా తెలుస్తోంది.
ఆలయంలోని ధ్వజ స్తంభం, రంగుల మండపం, గర్భగుడి, ఆనాటి శిల్పుల శిల్పకళా నైపుణ్యానికి దర్పనం పడుతున్నట్లుగా ఉన్నాయి. ఆలయ ముఖద్వారం గుండా గుడి లోపలికి ప్రవేశించగానే చుక్కలు తాకేటట్లుగా ఉండే కొయ్యతో చేసిన ధ్వజస్థంభం, రంగుల మండపం శిల్పకళారాధకులకు కన్నుల పండువ చేస్తాయి.
ఆలయానికి ఉత్తర వాయువ్య దిశగా అర ఎకరం విస్తీర్ణంలో వ్యాపించి ఉన్న పవిత్ర పుష్కరిణిలోని జలంతోనే అప్పట్లో స్వామివారిని అభిషేకించేవారట. అయితే ప్రస్తుతం సరైన ఆలనాపాలనా లేని కారణంగా పుష్కరిణి చుట్టూ ముళ్లపొదలు పెరిగి, శిథిలావస్థకు చేరుకోవటంతో కేవలం తిరునాళ్ల సందర్భంగా మాత్రమే పుష్కరిణి శుభ్రం చేస్తున్నారు.
ప్రతి సంవత్సరం వైశాఖ శుద్ధ పూర్ణిమనాడు జరిగే తిరునాళ్ల మహోత్సవంలో స్వామివారిని ఊరోగించేందుకు తయారు చేసిన 30 అడుగుల ఎత్తైన కొయ్య రథం ఆనాటి కళా వైభవానికి ఓ మచ్చుతునకగా చెప్పవచ్చు. ఈ ఆలయంలో ప్రతి ఏడాది 20 నుంచి 50 పెళ్లిళ్లు జరుగుతుంటాయి. ఆలయం చుట్టూ ఉన్న ఎత్తైన ప్రాకారం నేటికి చెక్కుచెదరకుండా చాలా పటిష్టంగా ఉంది.
సంబంధిత సమాచారం కోసం శోధించండి.