1 ** నిత్యం ఆరోగ్యంగా ఉండేందుకు ఉదయంపూట త్వరగా నిద్రనుండి మేల్కొనాలి. కాలకృత్యాలు తీర్చుకున్న తర్వాత పరకడుపున నిమ్మకాయ రసం సేవించాలి లేదా రాగి పాత్రలో రాత్రి పోసి పెట్టిన నీటిని సేవించండి. దీంతో ఆరోగ్యంగా ఉంటారంటున్నారు వైద్యులు. 2 ** ఉదయం, సాయంత్రం తేలికపాటి వ్యాయామం చేయండి. సాధారణంగా రెండుపూటలా నడక ప్రారంభించండి. ముఖ్యంగా కాలుష్యం లేని ప్రాంతంలో తిరిగేందుకు ప్రయత్నించండి. 3 ** మీరు తీసుకునే అల్పాహారంలోను, భోజనంలోనూ రుచికరమైన ఆహార పదార్థాలుండేలా చూసుకోండి. 4 ** పాచిపోయిన, కుళ్ళిపోయిన, మాడిపోయిన ఆహార పదార్థాలను ఎట్టి పరిస్థితుల్లోనూ తీసుకోకండి. దీంతో అనారోగ్యంబారిన పడే అవకాశాలు ఎక్కువగా ఉన్నయంటున్నారు వైద్యులు. 5 ** నిత్యం ఎన్నో పనులతో సతమతమవుతుంటారు. ఇందులో భాగంగా శరీరానికి, ఆరోగ్యానికి సంబంధించినంతవరకు ఎలాంటి జాగ్రత్తలు తీసుకోకపోవడం విచారకరం. ఆరోగ్యంగా ఉండేందుకు ప్రతి రోజూ స్నానం, ప్రార్థన చేయడం మరువవద్దు.6 ** శరీరాన్ని పరిశుభ్రంగా ఉంచుకునేందుకు స్నానం చేయడం ఎంతో అవసరం. అలాగే మనసును పరిశుభ్రంగా ఉంచుకునేందుకు ప్రార్థనకూడా ముఖ్యం. దీంతో మనసు ప్రశాంతంగా ఉంటుంది. ఎప్పుడైతే మనసు ప్రశాంతంగా ఉంటుందో అప్పుడు అనారోగ్యం శరీరంలోకి జొరబడదంటున్నారు విశ్లేషకులు. 7 ** ఈ రెండు పనులుకూడా తప్పనిసరిఅనికాకుండా మీ జీవితంలో నిత్యకృత్యం అని మీరు భావించాలి. అదికూడా మీరు మనస్పూర్తిగా చేయాలంటున్నారు వైద్యులు.8 ** మీరు తీసుకునే విశ్రాంతిలోను, నిద్రలోను ఎలాంటి లోటు రాకుండా చూసుకోండి. ఇవి రెండు మీ ఆరోగ్యానికి ఓ టానిక్లా ఉపయోగపడుతుంది. దీంతో మీ శరీరం, మనసు ఉత్సాహంగా ఉరకలు వేస్తుందంటున్నారు వైద్యులు. 9 ** ఎప్పుడుకూడా పని దొంగగా మారకండి. మీకు వీలైనంత పని మీరు చేయండి. శారీరక శ్రమ, మానసిక శ్రమ చేయండి. అదికూడా ప్రశాంత వదనంతో చేయండి. అలసట అనేది శరీరానికి అవసరం. దీంతో శరీరం మళ్ళీ శక్తిని పొందేందుకు తహతహలాడుతుందంటున్నారు వైద్యులు.10 ** ప్రతి కార్యాలయంలో వారానికి ఒకరోజు సెలవు ఉంటుంది. అలాగే మీ శరీరంలోని ఉదరానికి కూడా కాస్త విశ్రాంతినివ్వండి. అంటే ఒకపూట ఉపవాసం ఉండేందుకు ప్రయత్నించండి. 11 ** వ్రతాల పేర్లు చెప్పి శరీరాన్ని బలహీనపరచకూడదు. అంటే ఏ ఆహార పదార్థం తీసుకోకుండా ఉండకూడదు. కాని ఉపవాసం ఉన్నప్పుడు నిమ్మకాయ రసం, మజ్జిగ లేదా పండ్ల రసం సేవిస్తుండాలి. 12 ** మీలో ఆత్మ విశ్వాసం పెంచుకునేందుకు ప్రయత్నించండి. భగవంతునిపై నమ్మకం ఉంచండి. మీరు శుఖంగా, ఆరోగ్యంగా ఉండేందుకు ప్రయత్నించండి. 13 ** మీరు వివాహితులైతే రతిక్రీడలో సమతుల్యత పాటించండి. ఏదో తూతూ మంత్రంగా అయిందని మాత్రం అనిపించకండి. రతిక్రియ అనేది జీవితంలో ఓ గొప్ప వరం. ఇందులో సమతుల్యత పాటించి, 14 ** భార్యా-భర్తలు ఇద్దరూ కలిసి రతిక్రియలో సుముఖంగా పాల్గొని ఆనందించండంటున్నారు ఆరోగ్యనిపుణులు. దీంతో శరీరం కొత్త ఉత్సాహాన్ని నింపుకుంటుందంటున్నారు. ఉత్సాహంగా, ఉల్లాసంగా రతిక్రియలో పాల్గొంటే స్వర్గసుఖాలను అనుభవించవచ్చంటున్నారు ఆరోగ్యనిపుణులు. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
