నిమ్మకాయ ప్రయోజనాలు చాలా మందికి తెలియవు. నిమ్మ పులుపుగా ఉండటంతో ఈ రసాన్ని తాగేందుకు సైతం అయిష్టత ప్రదర్శిస్తుంటారు. వాస్తవంగా చెప్పాలంటే 'విటమిన్ సి' పుష్కలంగా లభ్యమయ్యే వాటిలో నిమ్మపండు ఒకటి. అలాగే, ప్రతి రోజూ ఉదయం వేడి నీటిలో కాస్తంత నిమ్మరసం పిండుకుని తాగినట్టయితే జీర్ణవ్యవస్థ పరిశుభ్రమవుతుంది. అంతేకాకుండా, మానవ శరీరంలోని ఇతర రోగ క్రిములను హరించి అధిక రోగనిరోధక శక్తిని పెంచుతుంది. ఎందుకంటే దీనికి బాక్టీరియా, యాంటీ వైరల్ లక్షణాలు కలిగివుంటడం వల్లే ఇది సాధ్యమవుతుంది. అంతేకాకుండా, ఒక గ్లాసు నిమ్మరసం తాగితే ఫ్లూ, జలుబుల నుంచి ఉపశమనం పొందొచ్చు. అలాగే, రక్తాన్ని శుద్ధీకరించడమే కాకుండా శరీరంలోని విషతుల్య ద్రవాన్ని బయటకు విడుదల చేయడంలోనూ దోహదపడుతుంది. ఈ నిమ్మకాయను అరమోథెరపీలో కూడా ఉపయోగిస్తారు. ఇలా నిమ్మతో అనేక ఉపయోగాలు ఉన్నాయి.