వేసవి వచ్చిందంటే శరీరానికి నీటి అవసరమూ పెరుగుతుంది. మనలో చాలామందికి తెలుసు, మన శరీరపు బరువులో డబ్భైశాతం నీరు నిండి ఉందని. నీరు మన శరీరంలో అన్ని భాగాల్లో నిండి ఉన్నా ఊపిరితిత్తులు, మెదడు, రక్తం వంటి ద్రవాలు, లాలాజలం, అలాగే జీర్ణాశయ అవయవాలు స్రవించే ద్రవాలు మొదలైనవాటిలో అధికశాతంలో నీరు నిండి ఉంటుంది. సాధారణంగా మనకు దాహం వేసినప్పుడే మన శరీరానికి నీరు అవసరమని మనం భానిస్తాం. అది నిజమే అయినప్పటికీ, తాజా పరిశోధనలు మన శరీరంలో కొన్ని లేదా అన్ని భాగాలలో నీటిశాతం లోపిస్తే ఎన్నోఇతర సంకేతాలను జారీ చేస్తాయని చెబుతున్నాయి. ఆ సంకేతాలను నిర్లక్ష్యం చేయడంవల్ల ఎన్నో తీవ్రమైన వ్యాధులు సంక్రమిస్తాయి.