భర్త లైంగిన వేధింపులతో భార్యకు ఎయిడ్స్

భర్త తాగుబోతో, తిరుగుబోతో అయితే ఇక ఆ భార్య కష్టాలు ప్రత్యేకంగా చెప్పాల్సిన పని లేదు. వారి నుంచి వచ్చే తిట్ల పురాణాన్ని వేధింపులను భరించడం వారికే సాధ్యం. శృంగారంలో వారు చేసే వికృత చేష్టలను భరిస్తూ, కట్టుకున్న పాపానికి ఈ జన్నలో భరిస్తే పోతుందనుకుని చాలా మంది మహిళలు తలదించుకు బతికేస్తుంటారు. అయితే ఇలా వేధింపులు రక రకాల బాధలతో బతికే వారికి పరిశోధకులు పిడుగుపాటి వార్తను చెపుతున్నారు. వారిలో ఎయిడ్స్ వ్యాధి వచ్చే అవకాశం ఎక్కువగా ఉందని తేల్చి చెప్పారు. మహిళల్లో కంటే భర్త చేతి మానసికంగా, శారీరకంగా వేధింపులకు గురయ్యే మహిళల్లో ఎయిడ్స్వ్యాధి సోకే అవకాశం ఉంది. భర్త ఆప్యాయత, అనురాగాలు ఎక్కువగా ఉన్న మహిళలతో పోల్చినపుడు ఈ అంశాలు బయట పడినట్లు పరిశోధకులు చెపుతున్నారు. ఈ ప్రమాదం అధికంగా భారతీయ మహిళలకే ఉందని వారు చెపుతున్నారు. భారత దేశంలో దాదాపుగా 2.5 మిలియన్ల మంది ఎయిడ్స్ వ్యాధితో బాధపడుతున్నారు. ఎయిడ్స్ వ్యాధి అధికంగా ఉన్న దేశాలలో భారత్ ప్రపంచలో మూడో స్థానాన ఉంది. దక్షిణాసియా దేశాలలో ఎయిడ్స్ పెరుగడానికి భారత్ ఆధారంగా ఉందని వారు చెపుతున్నారు. మహిళల్లో ఎయిడ్స్ పెరగడానికి భర్తలే కారణమని తేల్చారు. భర్తల వింత ప్రవర్తన కారణంగా వారిలో ఇన్ఫెక్షన్ అవుతోందని తేల్చారు. భర్తల విపరీతమైన, విచ్చలవిడి శృంగార కారణంగా మహిళలకు ఎయిడ్స్ సోకుతుందని పరిశోధన తేల్చింది.