సాధారణంగా యువతుల కన్యత్వానికి కన్నెపొరను ప్రమాణికంగా తీసుకోవడం నేటి యువకులకు ఒక అలవాటుగా మారింది. కన్నెపొర ఉంటేనే ఆ యువతి కన్నెత్వం కలిగిందనేందుకు చిహ్నంగా భావిస్తుంటారు. అలా లేకుంటే.. ఆ యువతి ముందుగానే సెక్స్లో పాల్గొన్నట్టు భావిస్తుంటారు. దీంతో పలువురు యువకులు వివాహమైన కొద్దిరోజులకే తమ పండంటి వివాహబంధాన్ని తెంచుకుంటారు. సాధారణంగా కొంతమంది యువతుల్లో కన్నెపొర అసలు ఉండదు. మరికొందరిలో ముఖ్యంగా వ్యాయామాలు చేసే యువతుల్లో వారి వేసే ఆసనాల ఫలితంగా కన్నెపొర వారికి తెలియకుండానే చిట్ల పోవచ్చు. ఇంకొందరు స్వయంతృప్తి కోసం వేలుతో రుద్దుకున్నా అది చిరిగి పోయే ప్రమాదం ఉందని సెక్సాలజిస్టులు అంటుంటుంటారు. అంతమాత్రాన ఒక యువతికి కన్నెత్వం లేదని భావించడం సరికాదు. ముఖ్యంగా శోభనం రాత్రి పలువురు యువతులకు కన్నెపొర చిట్లడం వల్ల రక్తస్రావమవుతుంది. మరికొందరిలో ఇలా జరగదు. వీరికి కన్నెత్వం లేదని భావించరాదు. యోనిద్వారా ఉండే కండరాలు బిగుసుగా ఉంటే... రక్తస్రావం అవుతుంది. మరికొన్ని సందర్భాల్లో రక్తం కారకపోవచ్చు. అందుకని.. ఆ యువతికి పెళ్లికి ముందే మరొకరితో వివాహేతర సంబంధం ఉందని భావించవద్దు. మరికొందరి యువతుల్లో కన్నెపొర చిరగకుండా కూడా ఉంటుందని సెక్సాలజిస్టులు అంటున్నారు. ఈ పొర కొందరి యువతుల్లో బాగా మందగా ఉండటం లేదా.. అర్థచంద్రాకారంలో ఉండటం వల్ల సెక్స్లో పాల్గొన్నపుడు చిట్లిపోదనే వాదనా ఉంది. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
