మలబద్దకం వుంటే "కటిచలన" ఆసనం వేయండి

మలబద్దకం, మధుమేహం ఉన్నవారికి "కటిచలన" ఆసనం వేస్తే ఉపశమనం కలిగి ఆరోగ్యంగా వుంటుందని యోగా నిపుణులు అంటున్నారు.

కటిచలన ఆసనం వేసే విధానం..కాళ్ళు మడిచి పిరుదుల దగ్గరికి తీసుకుని రెండు చేతులు తలక్రిందకు చేర్చాలి. గాలి వదిలి కాళ్ళను ఎడమవైపుకు, తలను కుడివైపుకు తిప్పండి. శ్వాస క్రియ సాధారణంగా చేయండి. గాలి పీల్చి మామూలుగా వదలండి. మళ్ళీ గాలి పీల్చి తిరిగి ఆసనం వేయండి. తర్వాత ఇదే ఆసనాన్ని శరీరానికి ఆవలివైపు వేయండి.

మలబద్దకం, వెన్ను, నడుము నొప్పివుంటే నయమవుతాయని వారు పేర్కొన్నారు. మోకాళ్ళు, భుజాలు, కీళ్ళకు, వెన్ను, నడుముకు ఈ ఆసనం మంచి వ్యాయామమవుతుందని యోగా నిపుణులు తెలిపారు.