ఉత్తర అమెరికా తెలుగు సంఘం (నాట్స్) ద్వితీయ ద్వైవార్షిక సమావేశాలను 2011వ సంవత్సరంలో న్యూజెర్సీలో నిర్వహించనున్నట్లు నాట్స్ కార్యనిర్వాహక వర్గం ప్రకటించింది. అమెరికా ఇండిపెండెన్స్ డే వారంతపు రోజులైన 2011 జూలై 1-3 తేదీన మధ్యన ఈ సమావేశాలను నిర్వహించే ఆలోచనలో ఉన్నట్లు వారు వెల్లడించారు.ఈ సందర్భంగా నాట్స్ అధ్యక్ష, బోర్డు డైరెక్టర్లు మాట్లాడుతూ... అమెరికాలో తెలుగు మాట్లాడేవారి సంఖ్య క్రమంగా పెరుగుతోందని సంతోషం వ్యక్తం చేశారు. ఈ క్రమంలో ఎక్కడ, ఏ కార్యక్రమం జరిగినా తెలుగువారు అత్యధిక సంఖ్యలో హాజరవుతున్నారని, దీనికి నిదర్శనమే "అమెరికా తెలుగు సంబరాలు" అని అన్నారు. ఈ కార్యక్రమానికి లభిస్తున్న స్పందనను దృష్టిలో ఉంచుకునే తాము తదుపరి ద్వైవార్షిక సమావేశాల కోసం న్యూజెర్సీని ఎంచుకున్నట్లు వారు వివరించారు.ఇదిలా ఉంటే... 2009 జూలై 2 నుంచి జరుగనున్న నాట్స్ తెలుగు సంబరాల ఏర్పాట్లపై నాట్స్ అధ్యక్ష, బోర్డు డైరెక్టర్ల బృందం తమ సంతృప్తిని వ్యక్తం చేసింది. ఈ సంబరాలలో పాల్గొనేందుకు అనేకవేలమంది తెలుగువారు ఉత్సాహంగా తమ పేర్లను నమోదు చేసుకున్నారని వారు వెల్లడించారు. ఈ మేరకు ఉత్తర అమెరికా వ్యాప్తంగా నివసిస్తున్న తెలుగువారందరూ సంబరాల వేదికయిన ఓర్లాండోకు ఉత్సాహంగా తరలి వస్తున్నారని నాట్స్ బృందం తెలియజేసింది. తాము నిర్వహిస్తున్న అమెరికా తెలుగు సంబరాలకు తెలుగువారి నుంచి ఇంత పెద్ద ఎత్తున ఆదరణ లభిస్తుండటంతో తమకు చెప్పలేనంత ఆనందాన్ని కలిగిస్తోందని నాట్స్ కార్యనిర్వాహకవర్గం హర్షాతిరేకాలను వ్యక్తం చేసింది. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
