మలేసియాలోని మహిళలు లిప్స్టిక్, ఎత్తు మడాల చెప్పులు ( హై హీల్స్) వేసుకోకూడదని మలేసియా మునిసిపల్ కౌన్సిల్ ఓ వింత ఉత్తర్వును జారీ చేసింది విషయం. వివరాలలోకి వెళితే... మహిళలు అందంగా తమ పెదవులకు వేసుకునే లిప్స్టిక్, కాళ్లకు ధరించే హై హీల్స్ వల్లనే అత్యాచారాలు పెరుగుతూ పోతున్నాయంటున్నది కౌన్సిల్.
ఈ అఘాయిత్యాలను తగ్గించటానికంటూ... మహిళలు లిప్స్టిక్, ఎత్తు మడాలు చెప్పులు వేసుకోరాదని ఈ మేరకు ఉత్తర్వు జారీ చేసింది. ముఖ్యంగా మలేసియా షాపుల్లో పనిచేసే మహిళా సేల్స్ ప్రమోటర్లు ఇటువంటి అలంకారాలను చేసుకుని వీధుల్లో తిరగరాదని నిబంధన పెట్టింది. తమ నిర్ణయం మహిళల ఆత్మగౌరవాన్ని పెంచుతుందని చెప్పుంటోంది. అయితే ఈ ఉత్తర్వుపై మలేసియా మహిళలు తీవ్ర అసంతృప్తిని వెలిబుచ్చుతున్నారు.
ముఖానికి విపరీతంగా మేకప్ చేసుకునే తిరిగే మహిళలల విషయంలో ఈ నిబంధన సరైనదేనేకానీ, సాధారణ స్థాయిలో మేకప్ చేసుకునే వారిపట్ల ఇది సరైంది కాదని సేల్స్ ప్రమోటర్లుగా పనిచేస్తున్న మహిళలు ధ్వజమెత్తుతున్నారు. కనీసం సహజసిద్ధమైన లిప్స్టిక్ వేసుకోవడానికైనా అనుమతించాలని వారు కోరుతున్నారు.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
