నోయిడాలో మహిళా పోలీస్ స్టేషన్ త్వరలో ఏర్పాటు కానుంది. మహిళలకు పూర్తి రక్షణ కల్పించే దిశగా ఈ పోలీస్ స్టేషన్ను ఏర్పాటు చేస్తున్నట్లు నోయిడా సీఈవో మహీందర్ సింగ్ వెల్లడించారు. ఈ మేరకు సోమవారం జరిగిన 156వ బోర్డు సమావేశానికి అనంతరం మహీందర్ సింగ్ విలేకరులతో మాట్లాడుతూ... నోయిడాలో పోలీస్ స్టేషన్ను నిర్మించేందుకు సెక్టార్-43లో, దాదాపు 1.2 ఎకరాల నేలను కేటాయించనున్నట్లు తెలిపారు.ఈ పోలీస్ స్టేషన్ నిర్మాణం కోసం కేటాయించిన భూమిని, చదరపు మీటరుకు ఒక రూపాయి చొప్పునే అందజేస్తున్నామని సింగ్ అన్నారు. నోయిడాలో పోలీసు వ్యవస్థను పటిష్టపరిచే దిశగా ఈ పోలీస్ స్టేషన్ ఏర్పాటుకు త్వరలో సన్నాహాలు చేపడుతామని సింగ్ తెలిపారు.ఇంకా... తాగునీటి సరఫరా కనెక్షన్లను పెంచాలని బోర్డు సమావేశంలో నిర్ణయించామని మహీందర్ సింగ్ వెల్లడించారు. గ్రామీణ ప్రాంతాల్లో ప్రస్తుతం రూ. 1500లకు లభిస్తున్న తాగునీటి కనెక్షన్లు, ఇకపై రూ. 500లకే పొందవచ్చునని సింగ్ అన్నారు. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
