గర్భిణీలో చనుమొనలు నలుపు రంగుకు మారితే వారికి మగబిడ్డ పుట్టడం ఖాయమని పూర్వీకులు బలంగా నమ్మేవారు. అంతేకాదు ఈ నమ్మకం ఇప్పుడు కూడా అక్కడక్కడా వెలుగు చూస్తూనే ఉన్నది. అయితే బిడ్డ లింగ నిర్ధారణ అంచనాలో చెప్పే ఈ పద్ధతికి శాస్త్రీయమైన సాక్ష్యాలు లేవు. గర్భధారణ ప్రభావాలలో చనుమొనలు నల్లబడటం ఒకటి మాత్రమే. గర్భధారణలో నలుపు రంగుకు మారిన చనుమొనలు తిరిగి సాధారణ రంగుకు రావు. ప్రొసెస్టరాన్ పెరుగుదల, మెలానోసైట్- స్టిమ్యులేటింగ్ హార్మోన్(ఇది చర్మం పిగ్మేంటషన్ ను క్రమబద్ధీకరిస్తుంది) గర్భిణీలలో చనుమొనల నల్ల రంగుకు కారణమవుతాయి.చాలామంది గర్భిణీలపై ఇది మరింత ఎక్కువగా ప్రభావం చూపుతుంది. కాబట్టి గర్భం దాల్చినప్పుడు చనుమొనలు మరింత నలుపు రంగుకు మారతాయి. అలాగే గర్భిణీ ఉదరం ఆకృతిని బట్టి పుట్టబోయే పాపాయి లింగ నిర్థారణ చేయవచ్చనే నమ్మకం కూడా ఉన్నది. పై పొట్ట ముందుకు పొడుచుకుని వచ్చినట్లుంటే అబ్బాయి అనీ, కిందిపొట్ట పొడుచుకుని వస్తే అమ్మాయనే నమ్మకం ఉంది.అయితే ఇది శాస్త్రీయంగా రుజువు కాలేదు. పాపాయి కింది పొజిషన్లో ఉంటే ఉదరం కిందికి ఉంటుంది. అలాగే పాపాయి కదలిక పైకి ఉన్నప్పుడు విశాలంగా కనిపిస్తుంది. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
