తెల్లని మేని ఛాయతో మెరిసి పోయేవారికి వెండి, తెలుపు, గులాబీ రంగుల ముత్యాలు అందంగా ఉంటాయి. కాబట్టి అలాంటివాటిని మీరు ఎంపిక చేసుకుంటే మంచిది. అలాగే.... కాస్త చామనఛాయగా ఉన్నవారికి లేత గోధుమ రంగు ముత్యాలు బాగుంటాయి.
ఇకపోతే... పొడవాటి, సన్నని మెడ ఉన్నవారికి ముత్యాల చోకర్లు చక్కగా నప్పుతాయి. ఇక, మెడ అడ్డంగా, పొట్టిగా ఉన్నవారు కాస్త పొడుగ్గా ఉన్న ముత్యాలహారాలను ధరిస్తే మరింత అందంగా కనిపిస్తారు.
గుండ్రని ముఖాకృతి కలవారు వేలాడే ముత్యాల జూకాలు పెట్టుకోవచ్చు. ముఖం సన్నగా ఉన్నట్లయితే గుండ్రని బటన్ ఆకృతిలో ఉన్న దుద్దులను ఎంపిక చేసుకోవాలి. ఇంకేముందీ... ఈ జాగ్రత్తలను పాటించి మీ ప్రత్యేకతను చాటుకుంటారు కదూ...! |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు