ఉయ్యాలపై సవ్య, అపసవ్య దిశల్లో ఊగడం వల్ల ఏర్పడే కదలికలతో శరీరంలో కేలరీలు తగ్గుతాయి. ఊగేప్పుడు వేగంగా ఎత్తుకుపోకూడదు. అలా చేసినట్లయితే కళ్లు తిరుగుతాయి కాబట్టి, మధ్యమధ్యలో ఊగే దిశలను మార్చుతుండాలి. పరిగెత్తినపుడు కాళ్లకు ఎలాంటి వ్యాయమం అవుతుందో, ఊగడం వల్ల కూడా అదే ఫలితం ఉంటుంది.
ఉయ్యాలను ముంజేతులతో తోస్తూ ఊగితే పుషప్స్ చేస్తే వచ్చే ప్రయోజనాలు కలుగుతాయి. ఊగుతూ బాగా ఎత్తు వరకూ వెళ్లడం వల్ల చేతులు, భుజాలు, వెన్ను, కాళ్ల భాగాలకు ఒకే సమయంలో మంచి వ్యాయామం అవుతుంది. ఊగేటప్పుడు వంగటం, లేవడం వల్ల క్యాలరీలు ఖర్చు అవుతాయి. ఇలా పదినిమిషాలపాటు చేస్తే మంచి ఫలితాలను పొందవచ్చు.
మహిళలకు ఈ ఉయ్యాల వ్యాయామం చాలా మంచిది. దీనివల్ల చేతి కండరాలు గట్టిపడతాయి. చేతుల లావుతగ్గి చక్కటి ఆకృతిని పొందుతారు. భుజాలు దృఢంగా తయారవుతాయి. ఛాతి పటిష్టంగా తయారవుతుంది. పిరుదులు, తొడలు దృఢంగా మారుతాయి. శరీరం కూడా తేలికగా, ఉత్సాహంగా తయారవుతుంది. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు