' వినాశకాలే.. విపరీత బుద్ధి' అనే నానుడి కొందరు యువతీయువకులు చేసే చేష్టలకు సరిగ్గా నప్పుతున్నట్లు తెలుస్తోంది. ఏదైనా శుభకార్యమో, పండుగలు వస్తే వీరు చేసే వెకిలి చేష్టలు అంతాఇంతా కాదు. ప్రాశ్చాత్య సంస్కృతి, ఫ్యాషన్ మత్తులో మునిగి తేలుతున్న యువతీయువకులు తదనుగుణంగానే నడుచుకుంటూ తమ ప్రత్యేకతను చాటుతున్నారు. ఈ ఫ్యాషన్ వెర్రిలో కేవలం యువకులే కాకుండా.. యువతులు సైతం పోటీ పడుతున్నారు. ముప్పావు శరీరాన్ని ప్రదర్శించేటటువంటి దుస్తులు వేసుకోవడానికి ఏమాత్రం వెనుకంజ వేయడం లేదు. అలాగే తమ జుత్తు (వెంట్రుకలు)కు రంగులు వేసుకోవడం, శరీరంపై టూటూలు (పచ్చబొట్లు) వేయించుకోవడంలోనూ అగ్రస్థానంలో ఉన్నారు. తాజాగా నూతన సంవత్సర వేడుకల సందర్భంగా గుజరాత్ రాష్ట్రంలోని సూరత్లో కొంతమంది యువతులు తమ వీపుపై కొత్త సంవత్సరానికి వీడ్కోలు చెపుతూ.. నూతన సంవత్సరానికి స్వాగతం పలుకుతూ పచ్చబొట్లు, పెయింటింగ్స్ వేసుకుని తమ ఆనందాన్ని వ్యక్తం చేస్తున్నారు. ఇదివరకు ఈ ప్రదర్శన వీపు పై వరకే ఉండేది. అయితే ఇప్పుడు ఆ ప్రదర్శన శృతి మించి మరింత కిందికి జారిపోతోంది. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
