బెడ్రూం అనేది స్వర్గధామం అంటుంటారు చాలామంది. నిజమే, కాని దానిని అలంకరించుకోవడంకూడా ఓ కళేనంటున్నారు ఇంటీరియర్ డెకొరేటర్స్.
** మీ పడక గది చాలా సింపుల్గా ఉండేలా చూసుకోండి. అలాగే మిక్స్ అండ్ మ్యాచ్ అంతగా అవసరంలేదు.
** మీ అభిరుచులకు తగ్గట్టు అక్కడి వస్తువులను అమర్చుకుంటే బాగుంటుంది. మరీ ఇరుకుగా అన్ని వస్తువులను అక్కడే ఉంచేయకండి.
** ఆ గదికి రంగు వేసేటప్పుడు ప్రకృతిని పోలే రంగులు ఎంచుకుని వేస్తే బాగుంటుంది. అంటే ఆకుపచ్చ, చెట్టు కాండం రంగు బ్రౌన్, ఆకాశ నీలం, తెలుపులాంటి రంగులు గదికి వేస్తే అందంగా, మనసుకు ఆహ్లాదంగా ఉంటుంది.
** అక్కడే ఉండి చదువుకునేటట్లైతే అలాంటివారికోసం బెడ్సైడ్ ల్యాంప్లు ఏర్పాటు చేసుకోండి.
** గదిలో చెక్క ఫ్లోరు అమరిస్తే గది వెచ్చగా ఉంటుంది. చూసేందుకు హుందాగాకూడా ఉంటుంది.
** గది బయటనుంచి వచ్చే హోరుగాలి లోపలికి రాకుండా ఉండేందుకు కాస్త మందంగా ఉండే కిటికీ కర్టెన్లు వాడండి. చూసేందుకు అందంగా ఉంటుంది. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు