ఆహారం, నిద్ర, వ్యాయామం ఇవి మనుషులందరికీ సాధారణంగా వర్తించే నియమాలే.. అయితే కుటుంబ జీవనంలో అధిక పనిభారం మోస్తున్న మహిళకు పై మూడూ మరీ అవసరం అని విజ్ఞుల మాట. ఎందుకంటే భారత్ వంటి సాంప్రదాయక సమాజాల్లో సగటు మహిళకు ఈ మూడూ కరువేనని చాలాకాలంగా సర్వేలు ఘోషిస్తున్నాయి మరి.
కుటుంబం కోసం అన్నీ త్యాగం చేయవలసిన గృహిణి పాత్రలో పడి నలుగుతున్న మహిళలు ఆహారం, నిద్ర, వ్యాయామాలను కూడా త్యాగం చేసేస్తున్నారనేది సామాజిక శాస్త్రవేత్తలు ఆందోళన వ్యక్తం చేస్తున్నారు కూడా.
ఇంటి పని భారానికి వృత్తి లేదా బయటి పని భారం కూడా తోడయిన ప్రస్తుత పరిస్థితుల్లో ఆహారం, నిద్ర, వ్యాయామం మహిళలకూ తప్పనిసరి అవసరంగా మారాయి. పని ఒత్తిడి, నిత్య కాలుష్యంతో రాజీ పడుతూ జీవించాల్సివస్తోంది కాబట్టి ఆరోగ్యాన్ని కాపాడుకోవాలంటే మహిళల జీవన శైలిలో అనివార్యంగా మార్పులు చేసుకోవాల్సి ఉంది. అందుకే ఈ మూడింటి విషయంలో పాటించవలసిన జాగ్రత్తలను కాస్త తెలుసుకుందామా....
అన్నిటికన్నా ముఖ్యమైంది నిద్ర, భోజన వేళల విషయంలో సమయపాలన తప్పనిసరి. రోజూ వేళకు క్రమం తప్పకుండా నిద్రపోవడం, భుజించడం అలవాటుగా చేసుకుంటే రోజంతా ఉత్తేజంగా పనిచేసుకోగలుగుతారని నిపుణులు చెబుతున్నారు.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
