అంతర్జాతీయ బిజినెస్ స్కూళ్లలో 20వ ర్యాంకును ఇండియన్ స్కూల్ ఆఫ్ బిజినెస్ (ఐఎస్బీ) పొందినట్లు లండన్కు చెందిన ఫైనాన్షియల్ టైమ్స్ ఒక ప్రకటనలో పేర్కొంది. ఈ సందర్భంగా ఐఎస్బీ డిప్యూటీ డీన్ అజిత్ రంగ్నేకర్ మీడియాతో మాట్లాడుతూ ఆరంభించిన ఆరు సంవత్సరాల స్వల్పవ్యవధిలోనే భారతదేశంలో ప్రముఖ బిజినెస్ స్కూల్గా ఐఎస్బీ పేరు పొందిందని తెలిపారు.
అంతర్జాతీయ విధానాలు మరియు అంతర్జాతీయ నిష్ణాతులను పిలిపించి ప్రత్యేక తరగతులను నిర్వహించడం ద్వారా మేనేజ్మెంట్ విద్యా క్షేత్రంలో పలు నిర్ణయాత్మకమైన మార్పులకు ఐఎస్బీ శ్రీకారం చుట్టిందని వెల్లడించారు. ప్రపంచంలోని 100 పేరొందిన బిజినెస్ స్కూళ్లలో తక్కువ చరిత్ర కలిగిన స్కూల్గా ఐఎస్బీ ప్రత్యేకతను సంతరించుకున్నదని అజిత్ తెలిపారు. తమ విజయం వెనుక ఐఎస్బీకి చెందిన ప్రతి ఒక్కరి కృషి దాగి ఉందని పేర్కొన్నారు.
|
వార్తలు > కెరీర్ > వార్తలు 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు