నష్టాల్లో ఉన్న అమెరికా ఆటోమొబైల్ రంగాన్ని ఆదుకునేందుకుగానూ అమెరికా ప్రభుత్వం ప్రవేశపెట్టిన బెయిలౌట్ ప్యాకేజీ సెనేట్ తిరస్కారానికి గురైంది. ఈ బిల్లును అమెరికా ప్రభుత్వం సెనేట్లో ప్రవేశపెట్టగానే చర్చ, అనంతరం ఓటింగ్ జరిగింది. అయితే, ఈ బిల్లు మెజారిటీ సభ్యుల ఆమోదాన్ని మాత్రం పొందలేక పోయింది.తీవ్రమైన నష్టాలలో కూరుకుపోయిన జనరల్ మోటార్స్, క్రిస్లర్స్, ఫోర్డ్ కంపెనీలను ఆదుకునేందుకు ప్రభుత్వం ఈ ప్యాకేజీని ప్రతిపాదించింది. కాగా, ఈ బిల్లుపై డెమొక్రటిక్, రిపబ్లికన్ ప్రతినిధుల మధ్య ఏకాభిప్రాయం కుదరక పోవడంవల్ల సెనేట్ ఆమోదానికి నోచుకోలేక పోయింది.ఇదిలా ఉంటే... ఆటోమొబైల్ బెయిలౌట్ ప్యాకేజీ అమెరికా సెనేట్ తిరస్కారానికి గురైందన్న విషయం తెలియటంతో... జపాన్, తైవాన్, దక్షిణ కొరియా, ఆస్ట్రేలియా దేశాలలో శుక్రవారం స్టాక్ మార్కెట్ గణనీయంగా తగ్గుముఖం పట్టింది. అంతేగాకుండా డాలర్ విలువ 90 యెన్లుగా, ముడిచమురు ఒక బ్యారెల్కు 46 యూఎస్ డాలర్లుగా పడిపోయింది. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
