2008-09 ఆర్థిక సంవత్సరంలో వస్త్ర పరిశ్రమ ఎగుమతులు సుమారు 2 శాతం మేరకు తగ్గుముఖం పట్టినట్లు తాజా నివేదికలు వెల్లడిస్తున్నాయి. అంతర్జాతీయ ఆర్థిక సంక్షోభం కారణంగానే ఈ వస్త్ర పరిశ్రమ ఎగుమతులు తగ్గుముఖం పట్టినట్లు నిపుణులు అభిప్రాయపడ్డారు.
ఆర్థిక సంక్షోభం కారణంగా ప్రపంచంలోని వివిధ దేశాలు కష్టాలను ఎదుర్కొంటున్న సంగతి తెలిసిందే. ఈ సంక్షోభంతో అమెరికా మరియు యూరప్ వంటి ప్రధాన అంతర్జాతీయ మార్కెట్లలో డిమాండ్
పడిపోయిందని.. అందుకే వస్త్రాల ఎగుమతులు తగ్గిపోయాయని వస్త్ర మంత్రిత్వ శాఖ వెల్లడించింది.
2007-08 ఆర్థిక సంవత్సరంలో వస్త్రాల ఎగుమతులు 22.13 బిలియన్ డాలర్ల వద్ద ఉండేది. అయితే 2008-09 ఆర్థిక సంవత్సరంలో మాత్రం ఇది 21.75 బిలియన్ డాలర్లకు పడిపోయింది. గత ఆర్థిక సంవత్సరంలో వరుసగా ఆరునెలల్లో ఆరోగ్యకరమైన వృద్ధి రేటును నమోదు చేసిన వస్త్రాల ఎగుమతులు గత ఏడాది అక్టోబర్ నుండి తగ్గుముఖం పట్టడం ప్రారంభించింది.
ఈ క్షీణత సుమారు 1.7 శాతం మేరకు ఉండవచ్చని వస్త్ర మంత్రిత్వ శాఖ అంచనా వేస్తోంది. 2008-09 ఆర్థిక సంవత్సరంలో చేతివృత్తుల పరిశ్రమ 42 శాతం మేరకు పడిపోవడం దాని ప్రభావం వస్త్రరంగంపై తీవ్రంగా ప్రభావం చూపింది. అయితే ఆర్థిక సంక్షోభం నెమ్మదిస్తుండటంతో త్వరలోనే వస్త్రరంగంలో ఎగుమతులు తిరిగి పుంజుకోగలవని వస్త్రమంత్రిత్వ శాఖ అంచనా ఆశాభావం వ్యక్తం చేస్తోంది. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు