బ్రిటీష్ టెలికామ్(బీటీ)తో టాటా కమ్యునికేషన్స్ ఒప్పందం చేసుకుంది. ఈ ఒప్పందం ప్రకారం ఇరు కంపెనీలు వాయిస్ మరియు ఐపీ సర్వీసెస్ రంగంలో తమ సేవలను పంచుకోనున్నాయి.
బ్రిటీష్ టెలికామ్(బీటీ)తో టాటా కమ్యునికేషన్స్ సంస్థ చేసుకున్న ఈ ఒప్పందం ఐదు సంవత్సరాలపాటు కొనసాగుతుందని టాటా సంస్థ బీఎస్ఈకి తెలిపింది. ఈ ఐదు సంవత్సరాలలో వివిధ దేశాలలో ఇంటర్నేషనల్ డైరెక్ట్ డయల్(ఐడీడీ) అలాగే వాయిస్ సేవలను కొనసాగిస్తుందని ఇందులో బిటికి ఎలాంటి సంబంధం ఉండదని సంస్థ తెలిపింది.
దీంతో బిటి సహకారంతో టాటా సంస్థ బ్రిటన్లో ఐడీడీ సేవలను కొనసాగించేలా చర్యలను తీసుకుంటుంది. ఆ తర్వాత యూరోప్ తదితర దేశాలలో టాటా కమ్యునికేషన్స్కు ఈ సేవలు కొనసాగించేందుకు బిటి సంస్థ అనుమతినిచ్చింది.
తాము చేసుకున్న ఈ ఒప్పందంతో ఇరు కంపెనీలకు మంచి లాభాలను ఆర్జించిపెట్టనుందని అలాగే సేవలుకూడా మరింత విస్తరించనుందని టాటా కమ్యునికేషన్స్కు చెందిన వాయిస్ సొల్యుషన్స్ అధ్యక్షుడు మైకేల్ గుయాట్ తెలిపారు.
అలాగే టాటాలాంటి సంస్థతో తమ సంస్థ ఒప్పందం చేసుకోవడం తమ అదృషంగా భావిస్తున్నామని బిటి హోల్సేల్ మార్కెట్స్ మేనేజింగ్ డైరెక్టర్ బ్రాయన్ ఫిట్జ్ ప్యాట్రిక్ ఆనందం వ్యక్తం చేశారు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు