సాఫ్ట్వేర్ సెక్యూరిటీ, స్టోరేజీ అండ్ సిస్టమ్స్ మేనేజ్మెంట్ సొల్యూషన్స్లో అగ్రస్థాపధాన ఉన్న సంస్థ సిమాన్టెక్ కార్పోరేషన్ కంపెనీ.. తన కొత్త సాఫ్ట్వేర్ను ఆవిష్కరించింది. ఈ సాఫ్ట్వేర్ రికవరీతో పాటు బ్యాకప్ వంటి సదుపాయాలను కూడా కలిగి ఉందని సిమాన్టెక్ వెల్లడించింది.
ముఖ్యంగా మైక్రోసాఫ్ట్ విండోస్ సర్వర్ 2008ను లక్ష్యంగా చేసుకుని ఈ సాఫ్ట్వేర్ను తయారు చేసినట్లు సిమాన్టెక్ పేర్కొంది. న్యూఢిల్లీలో సోమవారం ఓ సదస్సులో సిమాన్టెక్ (ఇండియా) డైరెక్టర్ (ఛానెల్స్ అండ్ అలయెన్సెస్) అజయ్ వర్మా మాట్లాడుతూ సిమాన్టెక్ బ్యాకప్ ఎక్సెక్ 12 అనే ఈ సాఫ్ట్వేర్ డేటాకు రక్షక కవచం లాంటిదని తెలిపారు.
కొద్ది సెకనుల్లోనే ఈమెయిల్ రికవరీ, షేర్ పాయింట్ సర్వీసులు, యాక్టివ్ డైరెక్టరీ డేటా వంటివి తిరిగి పొందవచ్చన్నారు. కాగా, ఈ అమెరికా ఆధారిత కంపెనీ సుమారు 40 దేశాల్లో కార్యకలాపాలు సాగిస్తోంది. తాము కార్యకలాపాలు సాగిస్తున్న అన్ని దేశాల్లోను ఈ సాఫ్ట్వేర్ లభ్యమవుతుందని కంపెనీ వర్గాలు తెలిపాయి.
|
వార్తలు > ఐటీ > ఐటీ వార్తలు 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు