అయేషా హత్య కేసు: నిందితుడి అరెస్టు మంగళవారం, 6 మే 2008( 17:13 IST )

రాష్ట్రంలో సంచలనం సృష్టించిన భీఫార్మసీ విద్యార్థిని అయేషా హత్య కేసులో ఎట్టకేలకు ఒక నిందితుడిని పోలీసులు అరెస్టు చేశారు. కరీంనగర్ జిల్లా జగిత్యాల సమీపంలో చెలగల్లు గ్రామంలో ఉపేంద్ర అనే వ్యక్తిని అరెస్టు చేశారు. గత ఏడాది డిసెంబరులో హత్య జరుగగా, ఈ కేసులో ఇప్పటికి క్లూ సాధించగలిగారు. అరెస్టు చేసిన ఉపేంద్రను రహస్యంగా ఇబ్రహీంపట్నం తరలించి విచారిస్తున్నట్లు తెలుస్తోంది. విశాఖ జైలులో శిక్షను అనుభవిస్తున్న గుర్విందర్ సింగ్ అలియాస్ లడ్డు అనుచరుడిగా ఉపేంద్రను గుర్తించారు. అయేషా హత్యకేసులో లడ్డును సహ నిందితుడిగా పోలీసులు చేర్చనున్నారు. ఈ కేసులో లడ్డు అరెస్టుకు పోలీసులు మూడో మెట్రోపాలిటన్ మెజిస్ట్రేట్ కోర్టులో పిటి వారంట్ దాఖలు చేశారు. తమ కూతురు హత్య కేసులో మంత్రి కోనేరు రంగారావు మనువడి పాత్ర ఉందని అయేషా తల్లిదండ్రులు ఆరోపించిన విషయం తెలిసిందే. ఈ పరిస్థితుల్లో ఉపేంద్రను రాష్ట్ర పోలీసులు అరెస్టు చేయడం గమనార్హం. విజయవాడలో బీఫార్మసీ చదువుతున్న ఆయేషా, తన హాస్టల్ గదిలో హత్యకు గురైన విషయం తెల్సిందే. ఈ కేసులోని మిస్టరీని చేధించేందుకు పోలీసులు అపసోహాలు పడ్డారు.