పీఆర్ ఉద్యోగులకు వేతనాలు : ప్రభుత్వం శనివారం, 6 సెప్టెంబర్ 2008( 17:30 IST )

2009 ఏప్రిల్ నుంచి పంచాయతీరాజ్ ఉద్యోగులకు 010 పద్దు ద్వారా వేతనాలను అందించేందుకు ప్రభుత్వం సంసిద్ధమైంది. 010 ద్వారా వేతనాలతో పాటు పలు డిమాండ్ల పరిష్కారం కోసం పంచాయతీ రాజ్ ఉద్యోగులు శనివారం నుంచి నిరవధిక సమ్మెను చేపట్టిన సంగతి విదితమే. ఈ నేపథ్యంలో, పంచాయతీరాజ్ ఉద్యోగులకు 010 పద్దు కింద వేతనాలు చెల్లిస్తామని ముఖ్యమంత్రి రాజశేఖర రెడ్డి ఇచ్చిన హామీని ఆర్థిక మంత్రి రోశయ్య శాసనసభలో ప్రకటించారు. దీంతో పాటు వీరికి నెల నెలా వేతనాలు అందేలా ప్రత్యామ్నాయ చర్యలు తీసుకోవాలని పంచాయతీరాజ్ శాఖ కార్యదర్శిని ఆదేశించినట్లు రోశయ్య ఆ ప్రకటనలో పేర్కొన్నారు.