వచ్చే ఎన్నికల కోసం ఇతర పార్టీలతో పొత్తులు పెట్టుకునేందుకు తమ పార్టీ సిద్ధంగా ఉందని ప్రదేశ్ కాంగ్రెస్ కమిటీ అధ్యక్షుడు ధర్మపురి శ్రీనివాస్ స్పష్టం చేశారు. ఆయన వ్యాఖ్యలు పరోక్షంగా తెలంగాణా రాష్ట్ర సమితికి ఆహ్వానం పలికినట్టుగా ఉన్నట్టు రాజకీయ పరిశీలకులు భావిస్తున్నారు. దీనిపై ఆయన బుధవారం హైదరాబాద్లో మీడియాతో మాట్లాడుతూ.. ఎవరైనా పార్టీ జెండాలు, బ్యానర్లు కట్టుకోవాలంటే ముందుగా స్థానికులు అనుమతి తప్పనిసరని ఆయన అభిప్రాయపడ్డారు.
దీన్ని అతిక్రమించిన వారు చట్టానికి బాధ్యులని అన్నారు. ఇతరుల ఫోన్లు, ఫ్యాక్స్లను దొంగతనంగా ట్యాప్ చేయాల్సిన అవసరం తమ ప్రభుత్వానికి లేదని మరో ప్రశ్నకు సమాధానం ఇచ్చారు. టిక్కెట్లు అమ్ముకున్నట్టు వస్తున్న ఆరోపణలకు ఆయన స్పందిస్తూ అలాంటి వాటికి సమాధానం చెప్పాల్సిన అవసరం తనకు లేదన్నారు.
వచ్చే సార్వత్రిక ఎన్నికలకు ముందే తెలంగాణపై అధిష్టానం ఒక నిర్ణయం తీసుకుంటుందని, దీనిపై పార్టీ అధిష్టానం నిర్ణయానికి తాము కట్టుబడి ఉంటామన్నారు. అలాగే వచ్చే ఎన్నికల్లో ఎవరు ఎక్కడెక్కడ పోటీ చేయాలన్నది కూడా హైకమాండ్ నిర్ణయిస్తుందన్నారు. అలాగే పొత్తుల కోసం వచ్చే వారికి తమ ద్వారాలు తెరిచే ఉంటాయన్నారు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
