అల్లు అరవింద్కు నా గురించి, నా కుటుంబం గురించి సరిగా తెలియదని మాజీ ప్రరాప ప్రధాన కార్యదర్శి పరకాల ప్రభాకర్ అన్నారు. అల్లు అరవింద్ తనపై చేసిన పరుష వ్యాఖ్యలపై స్పందించిన ఆయన మాట్లాడుతూ...తన గురించి, తమ కుటుంబం గురించి ఆయనకు స్పష్టంగా తెలియదని తమది దశాబ్దాలుగా రాజకీయ కుటుంబమని, తన తలిదండ్రులు గతంలో ఎమ్మెల్యేలుగా పని చేశారని, అలాగే తన తాత, మామ గార్లతోబాటు తనకు కూడా రాజకీయాలతో అవినాభావ సంబంధముందని, తమ కుటుంబ సభ్యులు గతంలో ప్రజలకు సేవలు అందించామని ఆయన తెలిపారు.
ప్రజారాజ్యం పార్టీలో ఒక పద్ధతంటూ లేదని ఆయన అభిప్రాయపడ్డారు. చరిత్రల విషయానికొస్తే ప్రతి ఒక్కరి చరిత్ర అందరికీ తెలుసునని, టికెట్ విషయంలో తనపై సర్వే చేయించానన్న అరవింద్ను ఎప్పుడైనా తనకు టికెట్ కావాలని అడిగానేమో అతని గుండెలపై చేయి వేసుకుని చెప్పమని పరకాల అల్లును కోరారు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు