ప్రధాన పేజి » వార్తలు » వార్తలు » ఏపీ న్యూస్ » రాజకీయాలు వేరు.. వ్యక్తిగత జీవితం వేరు: చిరంజీవి (PRP | Chiranjeevi | YS Jagan | MLA's | Hyd | Presidents | Districts)
Feedback
Print
రాజకీయాలు వేరు.. వ్యక్తిగత జీవితం వేరు: చిరంజీవి 
మంగళవారం, 27 అక్టోబర్ 2009( 18:36 IST )
File
FILEప్రజారాజ్యం పార్టీ రాష్ట్ర కార్యవర్గాన్ని మంగళవారం హైదరాబాద్లోని పార్టీ కార్యాలయంలో ప్రకటించారు. ఈ సందర్భంగా చిరంజీవి మీడియా అడిగిన ప్రశ్నకు పైవిధంగా స్పందించారు. వైఎస్.జగన్ను తమ పార్టీకి చెందిన ఎమ్మెల్యేలు కలవడంలో ఎలాంటి తప్పులేదన్నారు. ఆయన తండ్రిని కోల్పోయి దుఃఖంలో ఉన్నారని అలాంటి వ్యక్తిని కలుసుకోవడం వెనుక ఎలాంటి గూడుపుఠాని లేదన్నారు.
ముఖ్యంగా, జగన్ను కలుసుకునే ముందు ఎమ్మెల్యేలు తనను సంప్రదించారని, ఆ తర్వాతే ఆయన్ను కలుసుకున్నారని ఒక ప్రశ్నకు సమాధానం ఇచ్చారు. మిగిలిన పార్టీల సంగతి తమకు తెలియదని, తాము మాత్రం రాజకీయాలను, వ్యక్తిగత జీవితాన్ని వేర్వేరుగా చూస్తామని స్పష్టం చేశారు. అలాగే, మీడియా కూడా చూడాలని హితవు పలికారు.
ఇదిలావుండగా ప్రజారాజ్యం పార్టీ రాష్ట్ర కమిటీ కోశాధికారిగా కామినేని శ్రీనివాస్ను నియమించారు. అలాగే, 19 మంది కార్యదర్శులు, 13 మంది జాయింట్ సెక్రటరీలు, 17 మంది ఆర్గనైజింగ్ కార్యదర్శులను నియమించినట్టు చెప్పారు. కర్నూలు, మహబూబ్ నగర్, రంగారెడ్డి జిల్లాలకు మినహా మిగిలిన అన్ని జిల్లాలకు పార్టీ అధ్యక్షులను ప్రకటించారు. వరదల కారణంగా ఆ మూడు జిల్లాలకు అధ్యక్షులను వెల్లడించలేదన్నారు. భవిష్యత్లో యువరాజ్యం, మహిళారాజ్యం, రైతు, కర్షక రాజ్యాలకు కొత్త కార్యవర్గాలను వెల్లడిస్తామన్నారు.
సంబంధిత సమాచారం కోసం శోధించండి.