ప్రజారాజ్యం పార్టీ అధినేత చిరంజీవి రాజకీయాలను ఆకళింపు చేసుకుంటున్నారు. "ఇంతింతై వటుడింతై" అన్న చందంగా రోజురోజుకూ రాటుదేలుతున్నారు. మాటల్లో చాతుర్యం చూపుతున్నారు. చాణక్య నీతిని ప్రదర్శిస్తున్నారు. మీడియా ప్రశ్నలకు తొట్రుపాటు లేకుండా జవాబిస్తున్నారు. రాష్ట్ర రాజకీయ పరిణామాలపై దృష్టి పెడుతున్నారు. మరోవైపు పార్టీ సంస్థాగత నిర్మాణానికి కృషి చేస్తున్నారు. ఇందుకోసం పార్టీ నేతలను సంసిద్ధం చేస్తున్నారు. వివిధ కారణాల రీత్యా పార్టీని వీడే నేతల గురించి పట్టించుకోవడం లేదు. బుజ్జగింపులు అసలే లేవు. ఎవరు వెళ్లినా.. ప్రజారాజ్యం పార్టీ ముందుకు వెళ్ళి తీరుతుందని ఘంటాపథంగా చెపుతున్నారు. పార్టీని పటిష్టం చేయడమే తన భవిష్యత్ లక్ష్యంగా ప్రకటించారు. ఆ కోవలోనే ముందుకు సాగుతున్నారు. మొత్తం మీద.. సార్వత్రిక ఎన్నికల్లో ఎదురైన ఓటమి చిరులో బాగానే మార్పులు తెచ్చినట్టు కనిపిస్తోంది. ఓటరు తీర్పును హుందాగా స్వీకరించారు. ఇకపై ప్రజలకు మరింత చేరువలో ఉంటామని ప్రకటించారు. బాధ్యతాయుత ప్రతిపక్ష పాత్రను పోషిస్తామన్నారు. అదేసమయంలో ప్రభుత్వ లోపాలను ఎత్తి చూపుతామని చెప్పి తన విజ్ఞతను చాటుకున్నారు. ఈ మార్పునకు ప్రధాన కారణం ఎన్నికల ఫలితాలే అని పలువురు అంటున్నారు. అలాగే, ప్రజారాజ్యం పార్టీలో చోటు చేసుకున్న పరిణామాలు, వచ్చిన ఆరోపణలు చిరును ఆలోచింపజేశాయి. పార్టీలో ఎలాంటి పరిణామాలు చోటు చేసుకున్నా ప్రశాంత వదనంతో ఉంటూ, తన లక్ష్యం కోసం అకుంఠిత దీక్షతో ముందుకు సాగాలని నిర్ణయించుకున్నట్టు తెలుస్తోంది. | | ఎన్నికల్లో ఎదురైన ఓటమి చిరంజీవిని తట్టిలేపింది. సంస్థాగత నిర్మాణంపై దృష్టి సారించారు. ఎవరు వెళ్లినా.. ఐ డోంట్ కేర్ అనే తరహాలో ఉన్నారు. భవిష్యత్ పీఆర్పీదే అన్న కోణంలో చిరు ప్రణాళికలు రచిస్తున్నారు. |
| |
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
