ప్రధాన పేజి » వార్తలు » వార్తలు » కరెంట్ అఫైర్స్ » దేశంలో అతిపెద్ద అభయారణ్యం.. మన నల్లమల (Nallamala Forest | Country | Gunture | Prakasam | YS Missing |)
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించుదేశంలో అతిపెద్ద అభయారణ్యం.. మన నల్లమల 
గురువారం, 3 సెప్టెంబర్ 2009( 08:00 IST )
File
FILEదాదాపు 9388.05 చదరపు కిలోమీటర్ల విస్తీర్ణంలో నల్లమల అభయారణ్యం విస్తరించింది. ఇందులో దట్టమైన ప్రాంతం 6664 చ.కి.మీ కాగా, టైగర్ రిజర్వు ప్రాంతంగా 3568.09 చకిమీని ప్రకటించారు. ఈ అటవీ ప్రాంతంలోని గుండ్ల బ్రహ్మేశ్వరం వన్యప్రాణి అభయారణ్యంగా పేర్కొని, దీన్ని మానవరహిత అటవీ ప్రాంతంగా ప్రకటించారు.
గుండ్ల బ్రహ్మ అరణ్యం 418.30 చకిమీ విస్తీర్ణంలో ఉంది. కాగా, ఐదు జిల్లాల్లో విస్తరించివున్న నల్లమలను నాలుగు డివిజన్లుగా విభజించారు. ఇది కర్నూలు జిల్లా ఆత్మకూరు డివిజన్లో 1128 చకిమీ, మహబూబ్నగర్ జిల్లాలోని అచ్చంపేట డివిజన్లో 2454 చకిమీ, ప్రకాశం జిల్లా మార్కాపురం డివిజన్లో 2229 చకిమీ, నాగార్జునసాగర్ డివిజన్లో 753 చకిమీ మేర దట్టమైన అడవులుగా ఉన్నట్టు ప్రభుత్వం ప్రకటించింది.
అయితే, మిగిలిన నాలుగు జిల్లాలో కంటే.. కర్నూలు జిల్లాలోనే ఈ అభయారణ్యం బాగా విస్తరించి వుంది. మూడు దిక్కులుగా నల్లమల అభయారణ్యం ఉంది. జిల్లాలో ఆత్మకూరు, బైర్లూటి, శ్రీశైలం, నంద్యాల, బండి ఆత్మకూరు, తదితర పది అటవీ రేంజ్లున్నాయి. ఈ అభయారణ్యం.. నల్లమల మావోయిస్టులకు సేఫ్ జోన్. నక్సలైట్లకు ప్రధాన స్థావరంగా పేరుంది. కర్నూలు, ప్రకాశం, మహబూబ్నగర్ జిల్లాలో నక్సలైట్లు ఎక్కువగా ఉన్నా, కర్నూలు జిల్లా అటవీ ప్రాంతాన్ని వారు షెల్టర్ జోన్గా ఎంచుకున్నారు.
ఈ ప్రాంతంలో పర్యటించి దారి తప్పించుకున్న వారు.. తిరిగి దారికి చేరుకోవాలంటే అష్టకష్టాలు పడాల్సిందే. దట్టంగా ఆవరించి ఉన్న నల్లమలలో దారులు కనుక్కోవడం దుస్సాధ్యంగానే చెప్పుకోవచ్చు. అటవీ ప్రాంతంలో దోర్నాల నుంచి గుంటూరు, శ్రీశైలం ప్రధాన దారులు మినహాయిస్తే నల్లమల అటవీ ప్రాంతానికి వెళ్లేందుకు దారులూ బహు అరుదే.
అటవీ ప్రాంతంలో ఎనిమిది వరకు గ్రావెల్ రోడ్లు ఉన్నట్టు అధికా రులు పేర్కొంటున్నారు. ఇవి తప్పిస్తే కాలినడక దారులే శరణ్యం. పైపెచ్చు.. ఈ అటవీ ప్రాంతంలో భీకరమైన సూర్య శక్తి ఉన్నప్పుడే చికటిగా ఉంటుంది. సాయంత్రం నాలుగైదు గంటలు అయితే.. ఇక చిమ్మచీకటిని తలపిస్తుంది.
అడవుల్లో 900 అడుగుల ఎత్తులో ఉండే ఎత్తైన కొండలు, లోతైన జలపాతాలు, వాగులు, వంకలు ఇలా ఎన్నో రకాల జల వనరులు ఉన్నాయి. నల్లమల అటవీ ప్రాంతంలోని దట్టమైన అటవీ ప్రాంతాల్లో గుండ్ల బ్రహ్మేశ్వరం, పెచ్చెరువు, అహోబిళం ఫారెస్ట్ రేంజ్లు అత్యంత అత్యంత ప్రమాదకరమైనవిగా ఫారెస్ట్ అధికారులు పేర్కొంటున్నారు.
• Play Free Online Games Click Here
• Blogs, Videos and More Click Here
• Send Musical and Animated Cards Click Here
• Simple,Fast & Free Email Service Click Here
సంబంధిత సమాచారం కోసం శోధించండి.
దీన్ని కూడా శోధించు: అభయారణ్యం, నల్లమల, దేశం, గుంటూరు, ప్రకాశం, వైఎస్ మిస్సింగ్, రాజీవ్, Nallamala Forest, Country, Gunture, Prakasam, YS Missing, Rajiv