ప్రధాన పేజి » వార్తలు » వార్తలు » కరెంట్ అఫైర్స్ » ఆ నీళ్లు దిక్కులేని రాయలసీమా.. కోస్తాలకిచ్చుకో: కేసీఆర్ (KCR | Ponnala Lakshmaiah | Worst floods | Potireddypadu | Andhra Pradesh)
Feedback
Print
ఆ నీళ్లు దిక్కులేని రాయలసీమా.. కోస్తాలకిచ్చుకో: కేసీఆర్ 
FILE
పొన్నాల లక్ష్మయ్య వ్యాఖ్యల అనంతరం కేసీఆర్ హడావుడిగా ఢిల్లీలో మీడియా సమావేశం ఏర్పాటు చేశారు. మీడియా ముందు పొన్నాలపై విరుచుపడ్డారు. రాష్ట్రంలో నీటి వాడకంపై మాట్లాడుతూ 68 శాతం నీటి నిలువలున్న తెలంగాణా ప్రాంతంమీద ఆధారపడి కోస్తా, రాయలసీమలు బతుకుతున్నాయన్నారు.
వరదలపై తన వాదన తప్పని నిరూపిస్తే బహిరంగంగా ఉరికి సిద్ధంగా ఉన్నట్లు కేసీఆర్ ప్రకటించారు. విలేకరుల సమావేశంలో ఎప్పటిలాగే విచక్షణను మరిచి రాష్ట్ర మంత్రి పొన్నాలపై విసుర్లు విసిరారు. పొన్నాలను "సన్నాసి" అని సంభోధించడమేకాక రాష్ట్రంలో నీటి వినియోగంపై మాట్లాడుతూ ఒక సందర్భంలో "దిక్కులేని రాయలసీమా... దిక్కులేని కోస్తా" అని దుర్భాషలాడారు.
కేసీఆర్ వ్యాఖ్యలను పలువురు నాయకులు తీవ్రంగా ఖండించారు. తన ఉనికిని కోల్పోతున్నానన్న అనుమానం వచ్చినపుడు కేసీఆర్ ఇటువంటి చవకబారు వ్యక్తిగత దూషణలు దిగుతుంటారని అభిప్రాయపడ్డారు. తను నమ్ముకున్న వాదాన్ని బలపరచడం చేతకాక రాష్ట్రంలోని ఇతర ప్రాంతాలను దూషించడం ఎంతవరకు సమంజసం అని ప్రశ్నించారు.
ఇటువంటి వ్యాఖ్యలు ప్రాంతీయ అసమానతలను, విరోధాన్ని తీసుకువస్తాయని ఆందోళన వ్యక్తం చేశారు. తెలంగాణా అయినా రాయలసీమ అయినా కోస్తా ప్రాంతమైనా ఆంధ్రప్రదేశ్ ప్రజలందరూ శాంతస్వభావులని వారి మధ్య చిచ్చుపెట్టే వ్యాఖ్యలు తగవని హితవు పలికారు. మరి వారి ఆవేదన కేసీఆర్ చెవికి చేరుతుందో లేదో...
సంబంధిత సమాచారం కోసం శోధించండి.
