బాంబు పేలుళ్ళ కేసులో మరణదండన ఎదుర్కోనున్న భారత ఖైదీ సరబ్జీత్ సింగ్కు ప్రాణదానం చేసేందుకు పాకిస్థాన్ అంతర్గత భద్రతా శాఖ వ్యతిరేకత తెలుపుతోంది. ఇలాంటి నిర్ణయాలు విద్రోహ చర్యలకు మరింత ఊతమిచ్చేవిగా ఉంటాయని పేర్కొంది.
అలాగే దేశ సిద్ధాంతాలకు వ్యతిరేకమని ఆ శాఖ ఉన్నతాధికారులు అభిప్రాయపడ్డారు. దీంతో సరబ్జీత్కు ఉరిశిక్ష అమలు ఖాయమని తెలుస్తోంది. వివిధ కేసుల్లో ఖైదీలకు పడిన మరణశిక్షలను జీవిత కారాగార శిక్షలుగా మార్చాలని పాక్లో కొలువుదీరిని కొత్త ప్రభుత్వం ఒక ప్రతిపాదన చేసింది. ఇందులో భారత ఖైదీ సరబ్జీత్ మరణశిక్ష కూడా ఉంది. దీనిపై నిర్ణయం తీసుకునేందుకు మంగళవారం ఆ దేశ ఉన్నాతాధికారులు సమావేశమయ్యారు.
ఇందులో విదేశీ వ్యవహారాలు, అంతర్గత, న్యాయ, మానవహక్కుల సంఘం నేతలు పాల్గొనగా, అంతర్గత భద్రత అడిషినల్ కార్యదర్శి జఫీర్ అబ్బాసీ నేతృత్వం వహించారు. మరణశిక్షలను జీవితకాల శిక్షలుగా మార్చేందుకు అంతర్గత శాఖ ఉన్నతాధికారులు పూర్తిగా తీవ్రంగా వ్యతిరేకత తెలిపారు. ఇలాంటి చర్యలు దేశ సిద్ధాంతాలకు వ్యతిరేకమని వారు వ్యాఖ్యానించినట్టు డైలీ టైమ్స్ పత్రిక ఒక కథనాన్ని ప్రచురించింది.
ఒక వేళ ప్రభుత్వం చేసిన ప్రతిపాదనను ఆమోదిస్తే.. ప్రజల నుంచి తీవ్ర వ్యతిరేకత వ్యక్తమవుతుందని వారు అభిప్రాయపడినట్టు వెల్లడించింది. 1990 సంవత్సరం లాహోర్లో జరిగిన బాంబు పేలుళ్ళలో 14 మంది ప్రాణాలు కోల్పోయారు. ఈ కేసులో సరబ్జీత్కు ఉరిశిక్ష పడింది. దీన్ని గత ఏప్రిల్ 30వ తేదీనే అమలు చేయాల్సి వుండగా, కేంద్ర ప్రభుత్వ ఒత్తిడి మేరకు శిక్షను నిరవధికంగా వాయిదా వేశారు.
|
వార్తలు > వార్తలు > అంతర్జాతీయ 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు