పాకిస్థాన్ అధ్యక్ష పదవికి పర్వేజ్ ముషారఫ్ రాజీనామా చేసే అంశంపై నెలకొన్న సందిగ్ధతకు తెరపడనుంది. ఈ మేరకు సోమవారం మధ్యాహ్నం అధ్యక్ష పదవికి రాజీనామాను ప్రకటించే అవకాశం ఉందని జోరుగా ప్రచారం సాగుతోంది. సోమవారం మధ్యాహ్నం టీవీలో తాను ప్రసంగించనున్నట్లు ముషారఫ్ ఆకస్మికంగా ప్రకటించారు.
స్వాతంత్ర్యదినోత్సవం సందర్భంగా 14వ తేదీన ఆయన టీవీలో ప్రజలనుద్దేశించి ప్రసంగించారు. మళ్లీ ఇంతలోనే తిరిగి టీవీ ముందుకు రావడం రాజీనామా ప్రకటన కోసమేనని రాజకీయ విశ్లేషకులు భావిస్తున్నారు. ఇదిలా ఉండగా, మంగళవారం ముషారఫ్పై పార్లమెంటులో అభిశంసన తీర్మానాన్ని ప్రవేశపెట్టేందుకు సర్వం సిద్ధమైంది.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
