తమ వివాదాస్పద అణు కార్యక్రమంపై అగ్రరాజ్యాల బెదిరింపులకు లేదా వాటి నుంచి ఎదురయ్యే ఒత్తిళ్లకు లొంగిపోయే ప్రసక్తే లేదని ఇరాన్ విదేశాంగ శాఖ స్పష్టం చేసింది. అగ్రరాజ్యాలు విధించిన గడువుకు తాము భయపడబోమని తేల్చిచెప్పింది.
చర్చల మార్గంపై తమకు విశ్వాసం ఉందని, ఇరాన్ ఈ మార్గాన్ని నమ్మే దేశమని విదేశాంగ శాఖ ప్రతినిధి హసన్ ఘాష్ఘావీ తెలిపారు.
ఆరు అగ్రరాజ్యాలు బెదిరింపులు, ఒత్తిళ్ల ద్వారా తమను లొంగదీసుకునేందుకు చేసే ఎటువంటి ప్రయత్నాలనైనా వ్యతిరేకిస్తామని, వారు అణు కార్యక్రమంపై విధించే ఎటువంటి గడువుకు అంగీకరించబోమని స్పష్టం చేశారు. ఈ మేరకు గురువారం ఇరాన్కు చెందిన ఐఆర్ఎన్ఏ వార్తా సంస్థ వార్తలు వెల్లడించింది.