ఆకాశంలో సోమవారం అద్భుతం చోటు చేసుకోనుంది. సూర్యాస్తమయం తర్వాత ఒకేసారి నాలుగు గ్రహాలు ఆకాశంలో కనిపించనున్నాయి. ఈ అద్భుత ఘట్టాన్ని వీక్షించేందుకు ఖగోళ శాస్త్రవేత్తలతో పాటు ఖగోళ వీక్షకులు కూడా ఎంతో ఆత్రుతగాఎదురు చూస్తున్నారు. దీనిపై ప్లానెటరీ సొసైటీ ఆఫ్ ఇండియా డైరెక్టర్ ఎన్ రఘునందన్ మాట్లాడుతూ, భూమి నుంచి చూస్తే బృహస్పతి, చంద్రుడు ఒకదానికొకటి చాలా దగ్గరగా ఉన్నట్టు కనిపిస్తాయని చెప్పారు. జ్యోతిష్య శాస్త్ర ప్రకారమైతే దీన్ని బృహస్పతి చంద్రుడితో కలవడంగా చెప్తారన్నారు.