ప్రజానేత, దివంగత ముఖ్యమంత్రి వై.ఎస్.రాజశేఖర్ రెడ్డి వర్థంతి వేడుకలు రాష్ట్ర వ్యాప్తంగా ఘనగా జరుగుతున్నాయి. ఇడుపులపాయలోని ఆయన సమాధికి వైఎస్ఆర్ కుటుంబ సభ్యులు ఘనంగా నివాళులు అర్పించారు. అలాగే, వైఎస్ఆర్ అభిమానులు రాష్ట్ర వ్యాప్తంగా రక్తదానం, అన్నదానం వంటి కార్యక్రమాలను నిర్వహిస్తున్నారు. ఇకపోతే.. వైఎస్ఆర్ సోదరుడు, మాజీ మంత్రి, కాంగ్రెస్ నేత వైఎస్.వివేకానంద రెడ్డి గురువారం పులివెందుల నుంచి ఇడుపులపాయ వరకు పాదయాత్ర చేపట్టారు. పాదయాత్ర ద్వారా వైఎస్ సమాధి వద్దకు చేరుకునే వివేకా.. తన సోదరునికి నివాళులు అర్పించి, తన భవిష్యత్ కార్యాచరణను ప్రకటించే అవకాశాలు ఉన్నట్టు తెలుస్తోంది.