వేదకాలం నుంచి జ్యోతిష్యశాస్త్రం భారతీయ సంస్కృతీ సంప్రదాయాలతో పెనవేసుకుపోయింది. మన పూర్వికులు ఎటువంటి పరికరాలు లేకుండానే జ్యోతిష్య శాస్త్రం ప్రామాణికంగా గ్రహాలు, గ్రహ స్థితిగతులు మరియు వాటి స్వభావానుసారం గ్రహాలకు నామకరణం చేశారు. కనుకనే జీవితానికి సంబంధించిన కీలకమైన నిర్ణయాలపై తాము అంత ఖచ్చితంగా చెప్పలేమని జ్యోతిష్కులు చెప్తుంటారు.
కానీ పురాతనమైందిగా చెప్పబడే ఈ జ్ఞానానికి అందరూ ఆమోదించక పోగా, హేతుబద్ధం కానీ శాస్త్రంగాను, మూఢనమ్మకం గాను విమర్శిస్తుంటారు. మానవుల ఆలోచనలు మరియు చర్యలే వారి భవిష్యత్తును నిర్దేశిస్తాయని, ఇటువంటి నమ్మకాలను విశ్వసించే వారిలో కొందరు నిరాశావాదంలో కూరుకుపోతారని వారు గట్టిగా చెప్తుంటారు. " జీవన యానం సాగించు, సవాళ్ళను స్వీకరించు, వాటిని చాకచక్యంతో ఎదుర్కొని తదనుగుణంగా పొందిన అనుభవం చుక్కానిగా ముందుకు సాగు అనేది" వారి నినాదం
తాము కనుగొన్న ఆవిష్కారాలు మరియు హేతువులు ప్రాతిపదికన సైన్సు ప్రపంచం ఏమి చెప్తున్నప్పటికీ, సమస్త మానవాళికి చెందిన విద్యావంతులు, నిరక్షరాస్యులు తమ స్వీయ అనుభవమే తార్కాణంగా ముందుకు సాగుతుంటారు. ఈ వ్యవహారంపై మీ అభిప్రాయం మరియు మీ అనుభవాలను మాకు రాయండి.
|
ఆధ్యాత్మికం > ఏది నిజం > కథనం 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
