Widgets Magazine Widgets Magazine

కృష్ణాష్టమి పండుగను ఎలా చేసుకోవాలి?

Widgets Magazine

FILE
కృష్ణాష్టమి నాడు భక్తులు పగలంతా ఉపవాసం ఉండి, సాయంకాలం శ్రీకృష్ణుని పూజిస్తారు. శ్రావణ మాసంలో లభించే పళ్ళు, శొంఠి, బెల్లం కలిపిన వెన్న, పెరుగు, మీగడ స్వామికి నైవేద్యం పెడతారు. ఊయలలు కట్టి అందులో శ్రీకృష్ణ విగ్రహాల్ని పడుకోబెట్టి ఊపుతూ రకరకాల పాటలు, కీర్తనలు పాడతారు.

పుర వీధుల్లో ఎత్తుగా ఉట్లు కట్టి పోటీపడి వాటిని కొడతారు. అందుకే ఈ పండుగని 'ఉట్ల పండుగ' లేదా 'ఉట్ల తిరునాళ్ళు' అని పిలుస్తారు. భక్తిశ్రద్ధలతో శ్రీకృష్ణ జయంతి వ్రతంగా ఆచరిస్తే గోదానం చేసిన ఫలితం, కురుక్షేత్రంలో సువర్ణదానం చేసిన ఫలం దక్కుతుందని బ్రహ్మాండ పురాణం చెప్పింది. కలియుగంలో కల్మషాల్ని హరించి, పుణ్యాల్ని ప్రసాదించే పర్వదినం ఇదని కూడా వివరించింది.

"ఓ అర్జునా! ధర్మమునకు హాని కలిగినప్పుడు అధర్మము పెచ్చుపెరిగినప్పుడును నన్ను నేను సృజించుకొందును. అనగా సాకార రూపముతో లోకమున నేను అవతరింతును" అని చెప్పియున్నాడు. ఈ భారతావనిలో శ్రీకృష్ణుడు అంటే తెలియని వారుండరు. ఆయనే ఈ నవభారత నిర్మాణానికి సూత్రధారుడు. శ్రీకృష్ణుని భగవంతుని అవతారంగా, మానవ రూపంలో, జన్మించిన దేవునిగా ఆరాధించామేగాని మానవుడిగా పుట్టిన ఆ దేవదేవుని మానవునిగాక; వారి లీలలను మానవ మనుగడతో సరిపోల్చుకుంటూ అర్థం చేసుకోవడం కూడా అంతే ముఖ్యంగా తెలుసుకోవాలి.

అలా భగవానుడు సామాన్య జనులమధ్య సామాన్య మానవుడి రూపంలో జన్మించి నివురుగప్పిన నిప్పులా దినదినాభివృద్ధి చెందుతూ ధర్మానికి ఆటంకం కలిగించే శక్తులను తనలో ఉన్న మధ్యాహ్న సూర్యకాంతితో ఒక మండించే శక్తిలా, ఆ దుష్టశక్తులను నశింపచేస్తూ సామాన్య జనులకు ఊరట కలిగిస్తూ మానవులందరు తిరిగి ఎలాకలిసి మెలిసి జీవించాలో జ్ఞానబోధను చేస్తూ ముందుకు సాగిపోతుంటారు.

జయతు జయతు దేవో దేవకీ నందనోయం
జయతు జయతు కృష్ణో వృష్టి వంశ ప్రదీపః
జయతు జయతు మేఘశ్యామలః కోమలాంగో
జయతు జయతు పృధ్వీభారనాశో ముకుందః |
ా|| ఓ దేవకీనందనా! ఓ వృష్టివంశ మంగళ దీపమా! సుకుమార శరీరుడా! మేఘశ్యామ! భూభారనాశక ముకుంద! నీకు సర్వదా జయమగుగాక!

ఆ బాలకృష్ణుడు దినదిన ప్రవర్థమాన మగుచూ తన లీలావినోదాదులచే బాల్యమునుండే, అడుగడుగునా భక్తులకు జ్ఞానోపదేశం చేస్తూ వచ్చినాడు. ఈ బాలకృష్ణుడు ఇంటింటా తన స్నేహితులతో వెన్నముద్దలు దొంగలిస్తూ వెన్నదొంగగా ముద్రవేసుకున్నాడు.

అలా వెన్నముద్దల దొంగతనంలో కూడా మానవులకు అందని దేవరహస్యం ఉందట. వెన్న జ్ఞానానికి సంకేతంగా చెప్తారు. పెరుగును మధించగా మధించగా కాని వెన్న లభ్యంకాదు కదా! అట్టి తెల్లని వెన్నను తాను తింటూ, ఆ అజ్ఞానమనే నల్లని కుండను బద్దలుకొట్టి మానవులలో జ్ఞానజ్యోతిని వెలిగించడమే కృష్ణ సందేశంగా భావించాలి అని చెప్తూ వుంటారు.

అలాగునే మరోచిన్నారి చేష్టలో మరో సందేశాన్ని చెప్తారు. గోపికలు కుండలలో ఇండ్లకు నీళ్లను యమునానదిలో నుండి తీసుకుని వెళుతూవుంటే, రాళ్లను విసిరిచిల్లు పెట్టేవాడట. అలా ఆకుండ మానవశరీరము అనుకుంటే ఆకుండలోని నీరు 'అహంకారం' ఆ అహంకారం కారిపోతేనేగాని జీవికి ముక్తి లభించదని ఇలా వారి లీలలోని అంతర్యాన్ని భాగవతోత్తములు వివరిస్తూ ఉంటారు.

ఇక చిన్న తనమునుండే అనేకమంది రాక్షసులను సంహరిస్తూ దుష్టశిక్షణ శిష్టరక్షణ కావిస్తూ కురుపాండవ సంగ్రామములో అర్జునునకు రథసారధియై అర్జునిలో ఏర్పడిన అజ్ఞానందకారాన్ని తొలగించుటకు "విశ్వరూపాన్ని" చూపించి గీతను బోధించి, తద్వారా మానవాళికి జ్ఞానామృతాన్ని ప్రసాదించాడు. ఇలా కృష్ణతత్త్వాన్ని కొనియాడి చెప్పుటకు వేయితలలు కలిగిన ఆదిశేషునికే సాధ్యముకాదని చెప్తారు.

ఇంకా, ప్రముఖ భాగవతోత్తములు మనకు అందించే సమాచారాన్ని బట్టి యిప్పటికి సుమారు 30వ శతాబ్దమునకు పూర్వం అంటే క్రీస్తు పూర్వం 3122లో ద్వారకా పట్టణమందు కృష్ణభగవానుడు నిర్యాణము చెందినట్లు తెలియుచున్నది. నాటినుండే కలి ప్రవేశముతో "కలియుగం" ఆరంభమైనదని చెప్తారు.



Widgets Magazine
Widgets Magazine
దీనిపై మరింత చదవండి :  

ఆధ్యాత్మికం వార్తలు

"ఓం" అనే ఏకాక్షర మంత్రం ఎంత శక్తివంతమైందో తెలుసా?

"ఓం" అనే ఏకాక్షర మంత్రం... చాలా శక్తివంతమైంది. దీనినే ప్రణవమని అంటారు. ఓం, ఓమ్, లేదా ...

ఆధ్యాత్మిక ప్రక్రియ అంటే ఏమిటి...?

ఆధ్యాత్మిక ప్రక్రియ అంటే, మీ గతం ఎలాంటిదన్న దానితో సంబంధం లేకుండా మీరు మీ ముక్తి వైపు ...

ఈ విశ్వంలో మీరు కేవలం ఒక ధూళిరేణువు

ఈ విశ్వంలో మీరు కేవలం ఒక ధూళిరేణువు. మీరు మీ అస్తిత్వపు నేపథ్యాన్నిఇలా అర్థం చేసుకుంటే, ...

శ్రీమంతులు కావాలంటే.. శివలింగాన్ని పూజించండి?

1. ఎవరైతే తెల్లని అన్నంతో శివలింగాన్ని నిర్మించి పూజలను చేసి నది నీటిలో వదులుతారో వారి ...

Widgets Magazine
Widgets Magazine

ఎడిటోరియల్స్

జగన్ మోహన్ రెడ్డి పార్టీలోకి తెదేపా, కాంగ్రెస్ నాయకులు వస్తారా...?

raja

ఆకర్ష్ వలను విసిరిన అధికార పార్టీ తెలుగుదేశం వలలో 20 మంది వైకాపా ఎమ్మెల్యేలు పడిపోయారు. ఇప్పుడింకా ...

ఎర్రదొంగలు ఖబడ్దార్‌ - తిరుపతిలో టాస్క్‌ఫోర్స్ పోలీస్టేషన్‌... ఇక స్మగ్లర్లపై ఉక్కుపాదమే!

task force police station

ఎట్టకేలకు తిరుపతిలో టాస్క్ ఫోర్స్ పోలీస్టేషన్‌ ఏర్పాటైంది. ఏపీ సిఎం చంద్రబాబునాయుడు ఆదేశాలతో ...

Widgets Magazine

లేటెస్ట్

స‌న్ రైజ్ సిటీగా విశాఖ‌... కోల్‌క‌తా పోర్టుకు మించి...

విశాఖ‌: భారత ప్రభుత్వం లుక్ ఈస్ట్ పాలసీలో భాగంగా విశాఖకు అమితమైన ప్రాధాన్యం ఏర్పడింది. తాజాగా ...

ముస్లింల‌కు చంద్ర‌బాబు రంజాన్ తోఫా! మ‌సీదులు, ఇమాంల‌కు ఉదారంగా వేత‌నాలు

విజ‌యవాడ‌: ర‌ంజాన్ మాసం సంద‌ర్భంగా ఏపీలో ముఖ్యమంత్రి నారా చంద్రబాబు నాయుడు ముస్లిం సోద‌రుల‌కు తోఫా ...

మరిన్ని విశేషాలు....

40 ఏళ్లు దాటేశారా....? ఆరోగ్యంపై శ్రద్ధ తప్పదు... ఇలా చేయండి....

మీరు 40వ ప‌డిలో ఉన్నారా? న‌ల‌భై వ‌య‌సుకు చేరువ అవుతున్నారా? అయితే, మీరు జాగరూకతతో ఉండాలి. సాధారణంగా ...

శాకాహారులు ఆరగించే ప్రతి ఆహార పదార్థం మాసాహారంతోనే తయారైనవే.. తెలుసుకోండి?

మీరు పుట్టుకతోనే శాకాహారులా... శాకాహారం తప్ప మాంసాహారాన్ని అస్సలు ముట్టుకోరా? అయితే మీరు పప్పులో ...

పుట్టగొడుగులు తినండి.. మోకాలి నొప్పుల్ని దూరం చేసుకోండి..!

పుట్టగొడుగులు తినండి.. ఒత్తిడిని తగ్గించుకోండి అంటున్నారు ఆరోగ్య నిపుణులు. పుట్టగొడుగుల్లో మ్యాజిక్ ...

Widgets Magazine
Widgets Magazine
Widgets Magazine Widgets Magazine