కాణిపాకంలో గ్రామోత్సవం

కాణిపాకంలోని వరసిద్ధి వినాయక స్వామివారి బ్రహ్మోత్సవాల సందర్భంగా బుధవారం గ్రామోత్సవం జరిగింది. ఇందులో భాగంగా సిద్ధి, బుద్ధి సమేత వినాయకుడికి అభిషేకం నిర్వహించారు. తర్వాత ప్రత్యేక పూజలు జరిపి, సుందరంగా స్వామివారిని అలంకరించి మేళతాళాలు, బాణాసంచాల మధ్య పల్లకిలో ఊరేగించారు. ఈ ఉత్సవంలో వందలాది మంది భక్తులు పాల్గొని తరించారు. ఇంకా ఈ కార్యక్రమంలో ఆలయ ఈవో కేశవులు, ఆలయ ఛైర్మన్ గల్లా సత్యనారాయణ తదితరులు పాల్గొన్నారు.