తీర్థయాత్రలో భాగంగా ఈ వారం మీకు ఓ ప్రత్యేకమైన ఆంజనేయ స్వామివారి ఆలయాన్ని చూపించబోతున్నాము. ఈ ఆలయం చారిత్రక నగరమైన ఉజ్జయినికి 15 కిలోమీటర్ల దూరంలో సాన్వర్ సమీపాన ఉంది. ఆంజనేయస్వామి విగ్రహం ఇక్కడ తలక్రిందులుగా ఉండటమే ఈ ఆలయం విశిష్టత. విగ్రహం తలక్రిందులుగా ఉంది కాబట్టే ఈ ఆలయానికి ఉల్టా ఆంజనేయస్వామి ఆలయం అనే పేరు స్థిరపడిపోయింది.
ఈ విగ్రహం ఆంజనేయస్వామి ముఖ భాగాన్ని మాత్రమే కలిగి ఉంది. సాన్వర్ గ్రామ వాసులు ఈ ఆలయం చాలా ప్రాచీనమైనదని, రామాయణ కాలనుంచి ఇది ఉనికిలో ఉంటోందని చెప్పారు. రామ లక్ష్మణులను అహిరావణుడు బంధించి పాతాళలోకానికి తీసుకుపోయినప్పుడు ఆంజనేయస్వామి పాతాళలోకం వరకు వెళ్లి వారి ప్రాణాలను కాపాడాడు. హనుమంతుడు పాతాళలోకానికి వెళ్లిన స్థలం ఇదేనని ఇక్కడి ప్రజల నమ్మకం.
ఈ ఆలయంలోని వీర హనుమాన్ విగ్రహం చాలా శక్తివంతమైనదని భావిస్తున్నారు. ఆలయం సమీపాన పలువురు మహర్షుల మందిరాలు ఉన్నాయి. దాదాపు 1200 సంవత్సరాల క్రితం నుంచి ఈ మందిరాలు ఉంటున్నట్లు చరిత్ర చెబుతోంది. ఆంజనేయ స్వామి ఆలయ ప్రాంగణంలో మర్రి, రావి, వేప, పారిజాతం, తులసి చెట్లు ఉన్నాయి. ఇక్కడ రెండు పురాతన పారిజాత వృక్షాలు ఉన్నాయి.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
