భారత్లో మరికొద్ది రోజుల్లో ఆస్ట్రేలియా సిరీస్ ప్రారంభం కానున్న నేపథ్యంలో ఆయా జట్ల బలాబలాపై సాధారణంగానే చర్చ మొదలైంది. ప్రపంచ ఛాంపియన్లు అయిన ఆస్ట్రేలియాకు అగ్రశ్రేణి బ్యాట్స్మెన్లను కలిగిన భారత్కు మధ్య సిరీస్ అంటే సాధారణంగానే అభిమానుల్లో ఆసక్తి ఉంటుంది.
ఎలాంటి పిచ్లపైన అయినా, ఎలాంటి పరిస్థితుల్లోనైనా రాణించే సత్తా ఉన్న ఆస్ట్రేలియా జట్టుతో పోటీ అంటే విజయావకాశాలు ఎక్కువగా ఆ జట్టుకే ఉంటాయనేది అందరి భావన. అయితే ఈ భావనకు విరుద్ధంగా ఈ సిరీస్లో మాత్రం భారత్నే అందరూ ఫేవరెట్గా భావిస్తున్నారు.
ఆస్ట్రేలియా జట్టులో సీనియర్లు లేకపోవడం అలాగే తాజా జట్టులోని చాలామందికి భారత గడ్డపై ఆడిన అనుభవం లేకపోవడం తదితర కారణాల దృష్ట్యా ఈ వాదన బలంగా వినిపిస్తోంది. అయితే ఎలాంటి పరిస్థితుల్లోనైనా ఆటతీరును సమూలంగా మార్చేసే స్వభావం ఆస్ట్రేలియా సొంతం. అలా ఆ జట్టులోని మెరికల్లాంటి బౌలర్లలో భారత భరతం పట్టగలిగే అవకాశమున్న వారిలో బ్రెట్లీ ముందువరుసలో ఉన్నాడు.
భారత గడ్డపై ఆడిన అనుభవం లేకపోయినా భారత ఆటగాళ్లతో ఎక్కువగా ఆడిన అనుభవమే ప్రస్తుత సిరీస్లో బ్రెట్లీకి అక్కరకు రానుంది. అందుకే ప్రస్తుత సిరీస్లో ఆస్ట్రేలియా బౌలింగ్ ఆయుధంగా అందరూ బ్రెట్లీ పేరే ప్రతిపాదిస్తున్నారు. ఈ నేపథ్యంలో బ్రెట్లీ సామర్ధ్యం గురించి కాస్త పరిశీలిస్తే...
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు