వెస్డీండీస్ మాజీ క్రికెటర్ బ్రియాన్ లారా ప్రపంచ రికార్డును అధిగమించేందుకు మాస్టర్ బ్లాస్టర్ సచిన్ టెండూల్కర్ కేవలం 15 పరుగుల దూరంలో నిలిచాడు. బెంగుళూరులో సోమవారం ఆస్ట్రేలియాతో ముగిసిన టెస్ట్లోనే సచిన్ ఈ ఫీట్ సాధిస్తాడని భావించిన అభిమానులు మరికొన్ని రోజులు ఆగాల్సిన పరిస్థితి ఏర్పడింది.
బెంగుళూరులో ఆస్ట్రేలియా, భారత్ మధ్య సోమవారం తొలి టెస్ట్ ముగిసిన సంగతి తెలిసిందే. ఈ టెస్ట్ తొలి ఇన్నింగ్స్లో సచిన్ 13 పరుగులకు ఔట్ కాగా రెండో ఇన్నింగ్స్లో సచిన్ 49 పరుగుల వద్ద ఔట్ అయిన విషయం తెలిసిందే. దీంతో బ్రియాన్ లారా పేరున ఉన్న అత్యధిక టెస్ట్ పరుగుల రికార్డును అధిగమించేందుకు సచిన్ మరో 15 పరుగుల దూరంలో నిలిచాడు.
గత శ్రీలంక టూర్లోనే సచిన్ ప్రపంచ రికార్డును సాధిస్తాడని అభిమానులు ఎదురుచూశారు. అయితే ఆ సిరీస్లో సచిన్ విఫలమైన సంగతి తెలిసిందే. ప్రస్తుతం భారత్, ఆస్ట్రేలియా మధ్య జరుగుతున్న టెస్ట్ సిరీస్లో మరో మూడు టెస్టులు మిగిలిన కారణంగా రెండో టెస్ట్ సందర్భంగా సచిన్ ప్రపంచ రికార్డ్ సాధించే అవకాశముంది. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు